Saturday, August 31, 2013

කිතුල් මල මදින එකේ අන්තිම කොටස.... රාද? හකුරුද? පැණිද?

බ්ලොග් පටන් ගත්ත දා ඉඳලා බ්ලොග් පෝස්ට් දෙකක් අතරට ගතකල වැඩිම කාලය තමයි මේ.. ජූනි මාසේ මුල දාපු පෝස්ට් එකෙන් පස්සෙ අද තමයි ඊලඟ එක.. මල මදින්න පටන් ගත්තු අය ඊලඟ මල මදින්න ලැහැස්ති වෙන්න.. පෝස්ට් එක ලියන්න කලින් මට මේ අනන්මනන් මේල් වලින් කමෙන්ට් වලින් ඇයි උඹ ලියන්නේ නැත්තේ.. උඹට හිට් නෑ නේද වගේ ප්‍රශ්ණ අහන අයටත් උත්තර දෙන්න ඕන... උත්තරේ තමයි පහත පින්තූරේ තියෙන්නේ...



පේනවනේ ටෙස්ට් පෝස්ට් එකත් කී දෙනෙක් කියවලා තියෙනවද කියලා...

හරි.. දැන් යමු මල මදින එකේ ඉතුරු කොටසට... දැන් ඔයාලා මලට බෙහෙත් තියලා මුට්ටිය එල්ලන්න සියළු කටයුතු කරලා ඉවරයි.. ඔන්න එහෙනම් අද එතැන් සිට...

මුට්ටිය එල්ලා තැබීමෙන් පසු පළමු දින දෙකේ එන සාරය පාවිච්චි කරන්නේ නැහැ... ඉන් පසුව එන සාරය (තෙලිජ්ජ, ඇල්) තමයි භාවිතයට ගන්නේ.. මුට්ටියේ අඩියේ අළුහුණු තවරා එල්ලන එක පැණි හකුරු නිපදවන්නන් කරන වැඩක්... එතකොට තෙලිජ්ජ රා වෙන වේගය අඩු වෙනවා... මේ තෙලිජ්ජ මුට්ටියකට හලා නොනැවතී ගින්දර දමමින් දවසක් දෙකක් පෑස්සවීමෙන් පසු තමයි කිතුල් පැණි එන්නෙ.. එය තව දුරටත් උකු වන තුරු රත් කර පොල්කටුවකට වක්කර ඝන වන්නට තැබීමෙන් තමයි ගැමියන් හකුරු නිපදවා ගන්නේ...

රා බෝතලය යට ඉතුරු වන කුඩු ටික ඔබ දන්නවනේ.. අපි කියන්නේ මණ්ඩි කියලා.. එය තමයි රා සාදන්නට මදින්නාට උපකාරී වෙන්නේ... තෙලිජ්ජ ගෙනවිත් ඔවුන් එය මණ්ඩි සමඟ කලවම් කරනවා.. පැය දෙකකට පසුව ඉතා හොඳ රා ටිකක් රස විදින්නට අවස්ථාව ලැබෙනවා.. ඒ බෝතලයේ ඉතුරු වෙන මණ්ඩි හෙට දවසේත් ප්‍රයෝජනය්ට ගන්නවා.. ඉතින් මේ චක්‍රය නිතරම කැරකෙනවා...

මම කලින් කිව්වනේ රා මදින්නන් දිනකට දෙවරක්වත් මල කපනවා කියලා.. ඒ කියන්නේ මුට්ටිය එල්ලන්න කලින්  ඔවුන් මලේ කෙලවරින් මිලි මීටර් භාගෙක වගේ ප්‍රමාණයක් කපා අයින් කරනවා.. පදමට පණ පොවපු මල් පිහිය හා හුරු පුරුදු වෙච්ච අතක් ඒ ක්‍රියාවලිය කිරීම සැබැවින්ම බලා සිටින්නට ආසා කරන දසුනක්... ඉතින් මෙහෙම මල කපාගෙන කපාගෙන එද්දි මල උඩට හැරෙන්නට බලනවා.. ඊට විකල්පයක් ලෙස ඔවුන් කරන්නේ මල බිට කර තව රැහැනක් ගැට ගැසීමයි... මලේ කෙළවරට එනකන් කැපීමෙන් පසු මේ ක්‍රියාවලිය අවසන් වෙනවා... ඉන්පසු දෙවියන්ට බුදුන්ට වූ භාරහාර ඔප්පු කිරීමෙන් පසුව තවත් අළුතෙන් පීදෙන මලක් වෙත යනවා..

ඔබට තේරෙනවා නේද? ඔබ සුළු මුදලක් දීලා ගන්න විනෝදය වෙනුවෙන් රා මදින්නෙක් කොපමණ මහන්සි වෙනවද කියලා.. කතාවට ඔවුන් කියන්නේ " මලකට බෙහෙත් තියන එක දරුවෙක් හදනවාට වඩා අමාරුයි" කියලයි...

ඔන්න එහෙනම් තම තම මල් තම තමන් මැද ගන්න...

විශේෂ ස්තූතිය :

ඊ. එම්. එම්. ජී. සෙනෙවිරත්න,
මීමුරේ..

ප.ලි.. : මේ ලින්ක් එක මගේ ඉරිසියාකරයින් සඳහායි...

20 comments:

  1. // ඔබ සුළු මුදලක් දීලා ගන්න විනෝදය වෙනුවෙන් රා මදින්නෙක් කොපමණ මහන්සි වෙනවද කියලා//

    ඉන්දික උපශාන්ත කොච්චර අමාරුවෙන්ද ලක්ෂ එකහාමාර හොයන්න ඇත්තෙ.... උඹට ඇයි බන් ඒවා නොහිතෙන්නෙ?

    ReplyDelete
  2. සදරුවට පඩි බේරපන්..... ඒ අහිංසකයව හූරන් කන්න එපා....

    ReplyDelete
    Replies
    1. යකෝ මං හින්දා ඌට දාස් ගානක් පාඩුයි .. අනික මම තාම වැඩට ගියෙත් නෑ .. එහෙවු එකේ ඌ මට පඩි ගෙවන්නේ පිං පඩිද ?

      Delete
    2. හික්.... අභීත ලියලා දීපු ස්ක්‍රිප්ට් එක උඹ දානවද නැත්තම් ඌට පාස්වර්ඩ් එක දුන්නද?...... අනේ බන් සදරු..... උඹ වගේ හරකෙක්....

      Delete
  3. මෙහෙට කියන්නෙ "තෙලිජ්ජවිල" මාතර. දැන් නම් එක කිතුලක් ආසාවට දකින්න නෑ :(

    ReplyDelete
  4. අර ඉරිසියාකාරයන්ට දාලා තියන ලින්ක් එකට ලයික් එකක් දැම්මා හරිය. ( හැබැයි ඉරිසියාකාරයෙක් නෙමෙයි )

    ReplyDelete
  5. අඩේ උබට පුලුවන්නම් ෆාර්ම් වලිනුත් මදින්න පුලුවන්ද කියල ටිකක් හොයල බලලා කියපන්කො නිකන් ඉන්න වෙලාවට පොඩි ස්ව්‍යන් රැකියාවක් පටන් ගන්න

    ReplyDelete
    Replies
    1. මැලේ මලේ....උඹ කියන්නේ පාම් ගැනද?

      Delete
    2. මැලේ මලේ....උඹ කියන්නේ පාම් ගැනද?

      Delete
  6. ඔන්න මාත් ලයික් කළා ඊරිසියාවක් නං නැ මචෝ.....

    ReplyDelete
  7. මමත් ලින්ක් එකට ලයික් කළා ඔන්න ....හැබැයි පට්ට ඉරිසියාවෙන් හොඳේ .......:D

    ReplyDelete
  8. මීමුරේ ඉවරයි! නියමයි.

    ReplyDelete
  9. මමත් මදිනව රා.... මමත් ලයික් කොරා ඈ....

    ReplyDelete
  10. ane huke,muge puke raa!

    ReplyDelete
  11. මේක හරිම කටුක රස්සාවක්.මම කාලයක් වාද්දුවේ හිටියා. එහෙනම් පොල් රා.

    ReplyDelete
  12. pivisenna http://videotutorialslk.blogspot.com/

    ReplyDelete
  13. යකෝ මගෙ වැඩිම ප්‍රතිචාර හම්බුන එකටවත් උබේ ටෙස්ට් පෝස්ට් එක තරන් හිට්ස් නැතුව ඇති.. අසරණ මම :(

    ReplyDelete
  14. බොස්, හුණු විතරක් නෙමෙයි. හල් පොතු දැම්මහමත් තෙලිජ්ජ පැහෙන එක අඩු වෙනවා. එතකොට රා වෙන්නේ නැහැ. අපේ සීයා තමා ඕක කිව්වේ.

    ReplyDelete

අවුරුදු 30ක් ජාතියක් වශයෙන් අපි කොච්චර අසරණ වෙලා හිටියාද?

දෙමල ඊලාම් විමුක්ති කොටි සංවිධානය තම ඊලාම් සිහිනය සැබෑ කර ගැනීම සඳහා කරන ලද අපරාධ වල නිමක් නැත. එයින් ප්‍රධාන හා මූලික අපරාධ ගැන සවිස්තරාත්ම...