ප්‍රධාන ශිෂ්‍ය නායක අයියාගේ කතාව අසා සිටි බාලාංශයේ පොඩි මල්ලී.

 

අනුර කියන්නෙ රනිල්ගෙ හෙවනැල්ල කියලා කීවාට ඇහුවේ නෑනේ.. එහෙනම් මෙන්න මේක සම්පූර්ණයෙන්ම කියවන්න.

📍 අනුර දිසානායක ජාත්‍යාන්තරයේ ගැත්තෙක් වුනේ කොහොමද?

📍අනුර දිසානායක රනිල් වික්‍රමසිංහගේ පදයටම නැටවෙන්නේ ඇයි?

📍 අනුරගේ පාලන කාලය තුල ශ්‍රී ලංකාව රටක් වශයෙන් මුහුණ පාන අර්බුධ මොනවාද?

පහත සටහන තුල මේ සියළු ප්‍රශ්ණ වලට පිළිතුරු තිබෙනවා.. සැලකිල්ලෙන් කියවන්න.

මේ රටේ දේශපාලනය බොහෝ දෙනෙකුට කෙටි කාලීනයි. හැබැයි අතීත දේශපාලනය එක්ක වත්මන් සංසිද්ධි ගලපන කෙනෙකුට ඒ සංසිද්ධිවල තියෙන කරුණු සමඟ යම් ‍යම් තීරණ රටට සුබ දායකද, අසුබ දායකද යන්න සිතා ගැනීම අපහසු නොවේ.

තිස් වසරක යුද්ධය අවසන් වී වසර 15ක් ගෙවී ඇතද, එහි පිල්ලි අදටත් හොල්මන් කරන බව අප පිළිගත යුතුය. 2008 අවසන් කාර්තුව යුධ ජයග්‍රහණයේ තීරණාත්මකම මාස තුනයි. ඒ යුධ ජයග්‍රහණයට වඩාත්ම බලපාන කාරණා සංසිද්ධීන් දෙක සිදු වූයේ මෙම කාර්තුව තුල දී වීමයි.

1. යුද්ධය නතර කිරීමට, ප්‍රධානතම ජාත්‍යාන්තර බලවේගය වූයේ ඉන්දියාවයි. 2008 අවසානය වන විට යුද්ධය නවතා දැමීමට හැකි උපරිම බලය යෙදවීමට ඉන්දියාව සූදානම්ව සිටියේය. මේ නතර කිරීමට ඇමෙරිකාව, නෝර්වේ වැනි රටවල් වලින් ජෝන් කෙරී, කමලා හැරිස්, එරික් සෝල්හයිම් වැනි බර ගණනක් මේ ව්‍යාපෘතිය පසු පස සිට ඉන්දියාවට දැවැන්ත සවියක් ලබා දුන්නෝය. නමුත් 2008 නොවැම්බර් 26 දින, ඉන්දියාවේ මුම්බායි නගරයේ තරු පන්තියේ හෝටලයක් වෙත දැවැන්ත ත්‍රස්ත ප්‍රහාරයක් එල්ල වූයේ 188 දෙනෙකුට මරු කැඳවමිනි. ත්‍රස්තවාදයට එරෙහිව ප්‍රකාශ සිදු කිරීමට ඉන්දියාවට සිදුවුනේ මෙම ප්‍රහාරය නිසාය. එම ප්‍රහාරය නිසාම ත්‍රස්තවාදයට එරෙහි ප්‍රහාර නැවැත්වීමට, ලංකාවට බල කරන්නට ඉන්දියාවට නොහැකි විය.

2. 2008 වසරේ අයවැය පරාජය කිරීමට සැලසුම් කිරීම.

මෙහි මහ මොලකරු මංගල සමරවීරයි. ජෝන් කෙරී, කමලා හැරිස් වැන්නන්ගේ පෞද්ගලික මිතුරෙකු මට්ටමට මංගල ඒ වනවිටත් පත් ව සිටියේය. ඒ වගේම 2005 දී මහින්ද රාජපක්ෂ ජයග්‍රහණයේදී සේම, ජවිපේ චන්ද්‍රිකා සමඟ ආණ්ඩුව පිහිටවද්දීද මේ ජනතා විමුක්ති පෙරමුණ සමඟ කපුකම් කලේ මංගල සමරවීරයි. එනිසා මංගලට ජාත්‍යාන්තරය සමඟ මෙන්ම ජනතා විමුක්ති පෙරමුණේ අභ්‍යන්තරය සමඟද හොඳ අවභෝධයක් සහ සහයෝගයක් තිබිණ. මංගල ප්‍රධාන වශයෙන්ම ආණ්ඩුවේ කිහිප දෙනෙක්ගේ සහයෙන් අයවැය පෙරලන්නට මාන බැලූහ. කරු ජයසූරිය ප්‍රමුඛ 17 දෙනාගේ සහාය ගත් මහින්ද රාජපක්ෂ පළමුවර කියවීම ජය ගත්තේය. නමුත් එය දශමෙකින් ගිය ජයකි. දෙවෙනි වර කියවීමේදී මහින්ද, රත්නපුරේ මහින්ද රත්නතිලක බිලී බා ගත්තේය. තෙවන වර කියවීමේදී ජනතා විමුක්ති පෙරමුණේ විමල් වීරවංශ ප්‍රමුඛ 18 දෙනෙක් නිසා, මංගල සමරවීරගේත්, රනිල් වික්‍රමසිංහගේත්, අනුර දිසානායකගේත්, එල්. ටී. ටී. ඊ යේත්,කොටි හිතවාදී ජාත්‍යාන්තරයේත් යුධ ජයග්‍රහණය නවතා දැමීමේ අවසන් ප්‍රභලම උත්සාහය ව්‍යවර්ථ වී ගියේය.

එම සිද්ධියෙන් පසුව අනුර කුමාර දිසානායක ප්‍රමුඛ ජනතා විමුක්ති පෙරමුණ රූකඩයක් සේ නැටවූයේ මංගල සමරවීර විසිනි. යුධ ජයග්‍රහණයෙන් පසුව ආ ප්‍රථම ජනපතිවරණයේදී ජනතා විමුක්ති පෙරමුණ හිට ගත්තේ සරත් ෆොන්සේකා සමඟය. මේ සඳහා ජනතා විමුක්ති පෙරමුණට ලැබුණ අති විශාල ඩොලර් ප්‍රමාණය පිලිබඳව පාර්ලිමේන්තුවේ හැන්සාඩ් ලේඛණ වලද සටහන්ව ඇත. පසුව එසේ මුදල් ලැබුන බව මාධ්‍ය සාකච්ඡාවකදී අනුර කුමාර පිළිගත්තද, ඔහු ප්‍රකාශ කලේ ඒ පක්ෂයට සුබ පතන්නන් විසින් ලබා දුන් මුදල් බවය.

එතැන් පටන් යුද්ධයෙන් කර ගැනීමට නොහැකි වූ ඒකීය ශ්‍රී ලංකාව බෙදීමේ ක්‍රියාවලිය මැතිවරණ හරහා සිදු කිරීමට වෑයම් කරපු ජාත්‍යාන්තර බලවේග සමඟ ජනතා විමුක්ති පෙරමුණ හරි හරියට සිට ගත්තේය. 2015 ජනපතිවරණයට ජනතා විමුක්ති පෙරමුණ ඉදිරිපත් නොවූයේත් මෙහි දිගුවක් ලෙසිනි. තමන්ගේ ලක්ෂ පහක ඡන්ද පදනම, සිරිසේනගේ සාක්කුවට ඔබන්නට කටයුතු කල අතර, මහින්ද රාජපක්ෂ පරාජය වූයේ ඡන්ද ලක්ෂ දෙක හමාරකට අඩු ගණනකිනි. ජනතා විමුක්ති පෙරමුණ ඡන්දයට ඉදිරිපත් වූවා නම්, සිරිසේනට තවත් ඡන්ද ලක්ෂ හතර හමාරක් අඩු වූවත්, මහින්ද රාජපක්ෂ ඡන්ද ලක්ෂ දෙකකින් ජයග්‍රහණය කිරීමට ඉඩ තිබිණ.

යහපාලනය ගෙන ඒමට දැවැන්ත සවියක් ලබාදුන් ඉන්දියාව, 2016 වසර ආරම්භයේදීම ETCA (Economic and Technology Corporation Agreement - ආර්ථික හා තාක්ෂණික සහයෝගිතා ගිවිසුම) අත්සන් කිරීමට සැලසුම් සකස් කලේය. නමුත් 2016 ආරම්භයේ සිටම අපේ රටේ සෑම ක්ශේත්‍රයකම වෘත්තිකයන් මේ ගිවිසුමට ප්‍රබල විරෝධතාවයක් දක්වන ලදී. නමුත් රනිල්ගේ සුවච කීකරු ගෝලයා වූ අනුර දිසානායක ප්‍රමුඛ ජවිපේ මේ විරෝධතාවයට එක් වූයේ නැත. මේ එක් නොවීම ගැන මහ ජනතාවගෙන් ජවිපෙට එල්ල වූ චෝදනා නිසාම ඔවුන්ට මෙම විරෝධයට එක් වීමට නොහැකි විය. 2016 පෙබරවාරි ඇරඹූ එට්කා විරෝධයට, ජනතා විමුක්ති පෙරමුණ එකතු වන්නේ 2016 සැප්තැම්බර් මාසයේදීය. ඒත් එට්කා අත්සන් කිරීම මේ රටේ ජාතිකවාදී ජන එකමුතුව විසින් නොකෙරෙන තැනටම තල්ලුකර තිබිය දී, අවසන් මොහොතේ ලකුණු දමා ගැනීමටය. කෙසේ වෙතත් ජනතාව එට්කා පරාජය කර තිබිණි.

නැවත එට්කා කරලියට පැමිණියේ 2022 අවසානයේය. ජනතා ජයග්‍රහණයක් අභිමුව සිටි ජනතා විමුක්ති පෙරමුණ, කෙලින්ම එට්කා සටන් පාඨයක් කර ගත්තේය.

“ඉන්දියාව කියනවා චීනය එක්ක වෙළෙඳ ගිවිසුමක් ගහනවා නම් ඊට කලින් අපිත් එක්ක එට්කා ගිවිසුමක් ගහන්න කියනවා. දැනට අපේ මාර්කට් එකේ වැඩි පංගුවක් අරන් තියෙන්නෙ ඉන්දියාව. ඉන්දියාවේ එට්කා ගිවිසුමේ තියෙන්නෙ මොකක් ද? එට්කා ගිවිසුමේ තියෙන්නේ භාණ්ඩ වෙළෙඳපොළ විතරක් නෙවෙයි, සේවා වෙළෙඳපොළත් විවෘත කරන්න. ඉන්දියානු දොස්තර කෙනෙකුට ඇවිල්ලා මෙහෙ චැනල් සර්විස් එකක් දාන්න පුළුවන්. දැන් අපි බෙල්ලට ම හිර වෙලා තියෙන්නේ. ණය ගෙවන්නෙ නෑ කියල තීන්දුවක් අරන් තියෙනවා. ණයවලින් ටිකක් අපි කපා ගන්න වෙනවා. කපා ගන්න නම් ඉන්දියාවත් එක්ක මේක අත්සන් කරන්න වෙනවා.” (අනුර කුමාර දිසානායක - 2022 ඔක්: 30 ගාල්ලේදී)

මේ එදා අනුර කුමාර දිසානායක එට්කා ගැන කියූ කතාවයි.

නමුත් මෙවර අතිගරු ජනපතිවරයාගේ ඉන්දීය සංචාරයෙන් පසු, ඔහුව යාබද අසුනේ තබාගෙන, ඉන්දීය අග්‍රාමාත්‍ය නරේන්ද්‍ර සිං මෝදි කෙලින්ම ප්‍රකාශ කලේ, මේ රාජ්‍ය තාන්ත්‍රිකයන් දෙදෙනා කරපු ප්‍රධාන මාතෘකා කිහිපයක් ගැනයි.

ඒ ජාතික ජන බලවේගයේ ප්‍රධානතම විවේචනයන් වලට ලක් වූ

1.එට්කා ගිවිසුම අත්සන් කිරීම,

2. නල මාර්ග හරහා ඉන්ධන සහ විදුලිය හුවමාරු කිරීම

3. දෙරට අතර සෘජු ගමන් මාර්ග ඇරඹීමට කටයුතු කිරීම. (නිව් රාම් සේතු)

4. ජවිපෙම විරුද්ධ වූ සාම්පූර් විදුලි බලාගාරය ඇරඹීම

නමුත් ත්‍රීකුණාමලයේ තෙල් ටැංකි ගැනවත්, ඉන්දියා ශ්‍රී ලංකා ධීවර ගැටළු ගැනවත් සාකච්ඡා කල බවක් කොහෙවත් සඳහන් වුනේ නැහැ. කියන්නම ඕන වුනත් කියවෙන්නෙ නැතිව යන්නත් ඇති සමහර විට.

මේ වත්මන් ජනපතිවරයාගේ පළමු සංචාරයයි. ඉන්දියාව පමණක් නොව, ඔහුගේ මේ පදවියට උදව් පදව් කල තව බොහො දෙනා හමුවීමට සිදුවනු නොඅනුමානයි. ඒ අනුව අනුර කුමාර දිසානායකගේ වසර පහක කාලය තුල ප්‍රධාන අභියෝග කීපයක් සමස්ත ශ්‍රී ලාංකිකයා සතුව තිබේ.

📍 ශ්‍රී ලංකා රාජ්‍යයේ ඒකීයත්වය ආරක්ෂා කිරීම

📍 රටට අහිතකර විදෙස් ගැති ගිවිසුම් අත්සන් කිරීම වළක්වා ගැනීම

📍 ශ්‍රී ලංකාවේ ජාතිකවාදය සුරක්ෂිත කර ගැනීම

කෙසේ වුවත්, ඉන්දියානු ව්‍යාප්තවාදයට එරෙහි කඳවුරක නායකයෙකු, ඉන්දියානු ව්‍යාපෘතියක ඉත්තෙක් බවට පත් වීම දක්වා කරගෙන ආපු ඒ සුවිසල් ව්‍යාපෘතියට අපි ජාතියක් වශයෙන් ඉන්දියාවට ස්තූති වන්ත විය යුතු නොවේද?

අභීත එදිරිසිංහ

2024 දෙසැම්බර් 18

සමස්ත ශ්‍රී ලාංකිකයන්ගේ රැකියාවන්ට කණකොකා හඬවන එට්කා..

යහපාලනය එට්කා ගේනවා කිව්වාම, ජනතා විමුක්ති පෙරමුණ මීක් කිව්වේ නෑ.. හැබැයි අපි මහ පොළවේ දැවැන්ත විරෝධයක් හැදුවා එට්කා වලට විරුද්ධව. අන්තිමේට ජනතා විමුක්ති පෙරමුණට සිද්ධ වුනා ඒ එට්කා වලට විරුද්ධව හිට ගන්න. ඊට පස්සෙ එයාලා ඒ සටන අතට ගත්තා. කොටුවේ ලීෆ්ලට් බෙදුවා. රට පුරා සම්මණ්ත්‍රණ තිබ්බා. එට්කා විරෝධතාවයට ජනතා විමුක්ති පෙරමුණ නිල වශයෙන් එක්වුනේ 2016 පෙබරාවරි 15 වෙනිදා. ඒ තමා වත්මන් අතිගරු ජනාධිපතිතුමා වෙන අනුර කුමාර දිසානායක මැතිතුමාගේ නිල ෆේස්බුක් පිටුවේ, දාපු මේ පෝස්ට් එක. ඒකට එදිනම මම දාපු කමෙන්ට් එකත් එක්කම තමයි මේක.

ඊයේ අනුර කුමාර දිසානායක ජනපතිව තමන් ලඟ වාඩි කරගෙනම, අපි එට්කා අත්සන් කරනවා කියලා සිංහ නාද කලා.

එට්කා ගිවිසුමෙන් වන ලොකුම හානිය වෙන්නේ මේ රටේ වෘත්තිකයන්ට. ඇයි? මොකද අපි එහෙම කියන්නේ. එට්කා හරහා මේ රටවල් දෙකේ වෘත්තිකයන්ට සීමා නොමැතිව විවෘත වෙනවා. ඉන්දියාවේ තිබෙන රැකියා වියුක්තියට ශ්‍රී ලංකාව තුල විකල්ප හොයන්න ඉන්දියාවේ අගමැති උත්සාහ කලේ 2015. මෝදි පළමු වරට ඉන්දියාවේ අගමැති වෙන්නේ 2014 දි. 2014 වෙනකොට ඉන්දියාවේ රැකියා වියුක්තිය 7.99%ක්. මේ වසර 10 තුල දන්න ශිල්ප ඔක්කොම දාලා ඔහුට මේක අඩු කරගන්න පුලුවන් වුනේ 3.2%ක් වෙනකන් විතරයි. වර්ෂ 2004 දි 8.38%ක් වුන ශ්‍රී ලංකාවේ රැකියා වියුක්තිය 2014 වෙනකොට මහින්ද රාජපක්ෂ රජය 4.16%ට අඩු කලා. ඊට පස්සෙ යහපාලන රජය එක්ක මෝධි සැලසුම් කලේ මේ එට්කා ගිවිසුම ක්‍රියාත්මක කරන්න. හැබැයි 2023 වෙනකොට ශ්‍රී ලංකාවේ සේවා වියුක්තිය 6.36%යි. අන්න ඒ නිසායි එදාටත් වඩා මේ එට්කා ගිවිසුම අපේ රටට හානි දායක වෙන්නේ.

ඉන්දියාවේ ශ්‍රම වෙළඳපල අගය ශ්‍රී ලංකාවට වඩා ඉතාම පහලින් තියෙන්නෙ. ඉන්දියාවේ විශේෂඥ වෛද්‍යවරුන් ලංකාවට පවා ඇවිල්ලා සේවය කරන්නෙ අන්න ඒ නිසයි. තොරතුරු තාක්ෂණ සම්භන්ධ රැකියා ඉන්දියාව තුල බිහිවෙන්නෙ ඉතාමත් පහල මිල ගණන් වලට. එට්කා වලින් බරපතලම හානිය වෙන්නෙ තොරතුරු තාක්ෂණ ක්ශේස්ත්‍රයේ ඉන්න අයට කියන කාරණාව අපි එදාත් කිව්වා. අදත් කියනවා. මාලිමාවට ඡන්දෙ දුන්න අයට පුලුවන් ඒ කාලේ ඔබේ ජනාධිපතිතුමා විසින්ම එට්කා නිසා ඔබේ රැකියාවට තර්ජනය ඇති වන අයුරු පැහැදිලි කල ආකාරය පරණ වීඩියෝ වලින් අසා දැන ගන්න පුලුවන්.

එට්කා හරහා ඉන්දියාවෙන් එන පොල් ගස් නගින්නා රුපියල් 50ට පොල් ගසක් බඩ ගාවි. කම්කරුවන් රුපියල් 500ට 700ට දවසේ වැඩ කරාවි. ජාත්‍යාන්තර පාසලට එන් ගුරුවරයා රුපියල් 10000.00 මාසික පඩියට උගන්නාවි. වෛද්‍යවරයා රුපියල් 500ට ප්‍රයිවට් ප්‍රැක්ටිස් කරාවි. ඕනෑම සංකීර්ණ වෙබ් අඩවියක්, මොබයිල් ඇප් එකක් රුපියල් 5,000ට 10,000ට සකස් කර ගත හැකිවේවි. නීතිඥයන් රුපියල් 1000ට 2000ට නඩු කතා කරාවි.

ලංකාවේ වෘත්තිකයන්ට අබ සරණ යන්නට වන දැවැන්තම හානිය සිදුවන්නේ මෙම ගිවිසුම අත්සන් කිරීමෙන් පසුව බව ඔබට වැටහේවි. 2024දී ගහපු පළමු කතිරය නිසා අත්සන් කරන එක ගිවිසුමෙන්, ඔබේ යැපෙන්නන්ගේ කුසපොත්ත පිටට ඇලෙන බව දැනෙන්නට ඔබට වැඩි කාලයක් ගත නොවනු ඇත. ඒ ගැන අවශ්‍ය සියළු අණ පණත් 2024 දී ගහපු දෙවන කතිරය නිසා පාර්ලිමේන්තුව තුල තුනෙන් දෙකකින් සම්මත වේවි.

ඉතින් අප සූදානම් වෙමු. ඉන්දියානුවන් සේම උදේට පෙට්ටි කඩේකින් කිරි එකක් බීලා, රොටී දෙකක් කාලා දවස ගෙවන්න.

#etca #againstetca #එට්කා #එට්කාගිවිසුම #ETCAAgreement

පාර්ලිමේන්තු සේවකයෙකු පිටින් යවන්න හදන ජාතික ජන බලවේගයේ හීන මානය

 

මේ වනවිට ශ්‍රී ලංකා පාර්ලිමේන්තුව වෙන කිසි දිනෙක නොවූ විරූ ලෙස, හොර උපාධි කාරයන්ගෙන් පිරී ගොස් ඇත. පාර්ලිමේන්තුවේ ප්‍රධානියා වූ ගරු කතානායක වරයා, මේ වනවිට නිකම්ම නිකම් මන්ත්‍රීවරයෙක් වී ඇත්තේ, මේ බොරු හීන මාන කාර ආචාර්ය උපාධියක් පෙන්වන්නට යෑම නිසාය. මේ ජරමර අස්සේ අමුතු නාටකයක් රඟ දැක්වෙන ආකාරය විමසිලිමත්ව බලාන ඉන්න අපට පෙනේ. ඒ අධිකරණ අමාත්‍ය හර්ෂණ නානායක්කාර මැතිතුමන්ගේ ආචාර්ය පට්ටම, පාර්ලිමේන්තු වෙබ් අඩවියෙන් ගැල වී යෑමයි. එය පාර්ලිමේන්තුවේ වරදක් ලෙස, පාර්ලිමේන්තුවේ ව්‍යවස්ථාදායක සේවා අධ්‍යක්ෂ සේම, වැඩ බලන සන්නිවේදන අධ්‍යක්ෂ, එම්. ජයලත් පෙරේරා මහතා විසින් මාධ්‍ය නිවේදනයක් නිකුත් කර තිබේ. අපි දැන් එහි ස්වභාවය පිළිබඳව විමසා බලමු.

පළමු වරට පාර්ලිමේන්තුවට යන සියළු මන්ත්‍රීවරුන් හට පිරවීම සඳහා පෝරමයක් ලබා දේ. එහි තත්ත්වය / Title එක පිරවීම සඳහා හිස්තැනක් ඇත්තේ මුලින්මය. ඒ තුල තමන් පූජ්‍ය, ආචාර්ය, මහාචාර්ය, වෛද්‍ය, ඉංජිනේරු ආදී කොටස සඳහන් කිරීමට ඇත. ඊට අමතරව තම පුද්ගලික තොරතුරු ඇතුලත් කිරීම සඳහා ඉඩ ලබා දී තිබේ. ඒ තොරතුරු අතර, අධ්‍යාපන සුදුසුකම් සටහන් කිරීමටද ඉඩක් ඇත. එහිදී "නැත" යන්නේ සිට, "දෙක වසර සමත්", "අට වසර සමත්", "සාමාන්‍ය පෙල සමත්", "උසස් පෙල සමත්", "උපාධි අපේක්ෂක", "උපාධි", "ශාස්ත්‍රපති","දර්ශණපති", "ආචාර්ය" ලෙස ඕනෑම තමන්ගේ අධ්‍යාපන සුදුසුකමක් සටහන් කිරීමට හැකියාව ඇත. මෙම පෝරමය අවසානයේ තමන් සඳහන් කල තොරතුරු සත්‍ය හා නිවැරදි බව තහවුරු කරමින් සිය අත්සනද තබා, පාර්ලිමේන්තු කාර්‍ය මණ්ඩලයට ලබා දෙයි.

අනතුරුව, මෙම පෝරම ලැබෙන්නේ සාමාන්‍ය වචනයෙන් අපි කියන පාර්ලිමේන්තුවේ, Table Office එක වෙතයි. එනම්,ව්‍යවස්ථාදායී සේවා අංශයටයි. එම දෙපාර්තමේන්තුවෙන් එම පෝරම පරීක්ෂා කර, සන්නිවේදන අංශය හරහා වෙබ් අඩවියට ඇතුල් කරනු ලබයි. නමුත් මේ දිනවල ඉහත අංශ දෙකෙහිම ප්‍රධානියා වන්නේ, ඉහත සඳහන් කල මාධ්‍ය නිවේදනය නිකුත් කල එම්. ජයලත් පෙරේරා මහතා වීම විශේෂත්වයක්. ඔහු මේ කාරණයේදී වගකිව යුතු අධීක්ෂණ නිලධාරියාද වෙනවා. ඒ නිසා මෙම කාරණය වගේම, මාධ්‍ය නිවේදනය සම්බන්ධවත් වග කියන්න වෙන්නෙ ජයලත් මහත්තයාට.

හැබැයි මෙහෙම වැරදිලා සටහන් වෙන්න පුලුවන්ද? කිසිසේත්ම බෑ. පොඩ්ඩක් හරි වෙන්න පුලුවන් එකම අවස්ථාව වෙන්නෙ,

📍 ඩේටා එන්ට්‍රි කරන එකා, දාර ජෙප්පෙක් වගේම, අම්බ හර්ෂණ නානායක්කාර ෆෑන් කෙනෙක් වෙලා, පොරගෙ වහල් කමටම, ඩේටා එන්ටර් කරද්දි ස්ව කැමැත්තෙන්, තනි මතේට ආචාර්ය කියලා දත්ත ඇතුල් කරන එක.

හැබැයි මේක වෙන්න තියෙන්නෙ 0.0001% ක් විතර සම්භාවිතාවක්. මගේ අදහස එය එසේ විය නොහැකියි යන්න.

එතකොට මේ ගැන නිදහසට මොනවා කියයිද? පාර්ලිමේන්තු අභ්‍යන්තරයෙන් ලැබුණු නොනිල ආරංචි වාර්තා කලේ, සභා නායක කාර්‍යාලයෙන් ලැබුනු, පාර්ලිමේන්තු කටයුතු පිළිබඳ කාරක සභාවට මන්ත්‍රීවරුන් නම් කිරීමේ ලේඛණයක් පදනම් කරගෙන, මෙම ඇතුලත් කිරීම කර ඇති බවක් සඳහන් කරන්න යන බවයි පෙනෙන්නේ. අපි විමසා බලමු ඒ ක්‍රියාවලිය වෙන්නෙ කොහොමද කියලා..

පාර්ලිමේන්තු කටයුතු පිළිබඳ කාරක සභාව තමයි, නව පාර්ලිමේන්තුවක පළවෙනියාටම පත් වෙන කාරක සභාව. එක් එක් පක්ෂවලින් නම් කරන මන්ත්‍රීවරුන්ගේ නම් ලිඛිතව භාර දෙන්නෙ සභා නායක කාර්‍යාලයට. සභා නායක කාර්‍යාලයෙන් එම සියළු නම් එක ලිපියකින් කතා නායක වරයාට යවනවා. කතා නායක වරයා බොහෝ දුරට "අවශ්‍ය කටයුතු සඳහා" යැයි සටහන් කර, එම ලිපිය, පාර්ලිමේන්‍තු මහ ලේකම් වෙත යවනවා. පාර්ලිමේන්තු මහ ලේකම්ගේ අත්සනින් යුතුව එම ලිපිය නැවත යොමුවෙන්නේ, ව්‍යවස්ථාදායක සේවා කාර්යාලයට.. ඒ කියන්නේ අපි අර කලින් කියපු Table Office එකට. ඒ කියන්නෙ අර කණගාටුව ප්‍රකාශ කරපු අපේ ජයලත් මහත්තයාට. ඒකේ තිබ්බේ ආචාර්ය කියලාය, ඒක බලගෙන තමයි, මේ ආචාර්ය කියලා වැදිලා තියෙන්නෙ කියලා තමයි ඉස්සරහාට නිදහසට කාරණාව වෙන්නෙ කියලා තමයි නිල නොවන ආරංචිය.

📍 තොරතුරු පත්‍රිකාව තියෙද්දි, ලිපි බලන් ඩේටා එන්ට්‍රි කරන එකාට පිස්සු වෙන්න ඕන.

📍 තොරතුරු පත්‍රිකාව තියෙද්දි, ඩේටා එන්ට්‍රි කරන එකාට, පාර්ලිමේන්තු කටයුතු පිළිබඳ කාරක සභාවට පත් කිරීම් කරපු ලියුම දුන්න නිළධාරියාට පිස්සු වෙන්න ඕනේ.

📍 පාර්ලිමේන්තු කටයුතු පිළිබඳ කාරක සභාවට, ජාතික ජන බලවේගයේ නම් ලබා දීමේදී, නැති ආචාර්ය පදවියක් ලියපු කෙනාට අමු පිස්සු වෙන්න ඕන.

ඒ නිසා, තමන්ගේ නමට ඉස්සරහා ආචාර්ය පදවියක් තියෙනකොට, දවස් කීපයක් ඒ දිහා නොබලා සැපේ ඉන්නයි, කතානායකගෙ අචාර්ය සීන් එක චාටර් වේගෙන යනකොට, ඒක දැකලා මකපං කියන්නයි, ගරු අමාත්‍ය හර්ෂණ නානායක්කාර මැතිතුමාට පිස්සු වෙන්න ඕන නැහැ. ඒක තමයි මනුස්ස ස්වභාවය.

වැදගත්ම කාරණය ඒක නෙවෙයි. හරි දැන් පාර්ලිමේන්තුව සමාව ගත්තා කියමුකෝ. එතකොට මැතිවරණ කාල සීමාවේදී ජාතික ජන බලවේගයේ නිල පාර්ශ්වයන්, නීතීඥ හර්ෂණ නානායක්කාර, ආචාර්යවරයෙක් ලෙස හැඳින්වීම ගැන සිය කණගාටුව ප්‍රකාශ කරන්නේ කවදාද? එක උදාහරණයක් පහත ඇති.
ජනතාවට සිය උපාධි පෙන්වීමට නොහැකි වීම නිසා, ජාතික ජන බලවේගයේ මන්ත්‍රී අශෝක රංවල අද කතානායක ධූරයෙන් ඉල්ලා අස් වී ඇත. දැන් ඉතින් ඇමතිකම බේරා ගැනීම පිණිස, රට පටලං, බොරු පටලං, කුල්ල කුජීත වෙනවාට වඩා, ඉල්ලා අස් වෙලා නම්බුව රැක ගන්න එක හොඳ නැද්ද ඇමතිතුමනි? මොකද රටේම නීතියට ඇමති වෙච්ච ඔබතුමා නීතියටම වංගු ගහන්න දගලද්දි,  ඒක ටිකක් කැතයි නේද? ටිකක් නෙවෙයි.. හොඳටම කැතයි නේද?

පාර්ලිමේන්තුවේ නීතිය පිළිබඳ ඇමති විදිහට, නීතිය පිළිබඳ සාරගර්භ කතාවක් කරද්දි, අර දෙකේ පන්තිය පාස්, චාමර සම්පත් මන්ත්‍රීතුමා නැගිටලා, "ඔයා දන්න නීතිය, මතකනේ අර ආචාර්ය කියලා දාලා, වැඩේ මාට්ටු වුනාම, පාර්ලිමේන්තුව පිටින් යවලා බේරුණා" වගේ එකක් කිව්වොත්, මොකක් වෙයිද හිතන්නකො ඇමතිතුමා.. විලි ලැජ්ජාවක් නේද වෙන්නෙ..

අපි ඉතින් හිච්චං මිනිස්සු.. ඒ වුනාට කෙලවුනා කියලා අපට තේරෙනවා. දැන් ඉතින් ඔබතුමාට තමා තේරුම් ගන්න තියෙන්නෙ...

ඒ නම් කොල්ලො.. අපි ගියා..

#හර්ෂණනානායක්කාර #ජාතිකජනබලවේගය #හොරලේබල් #ජනතාවිමුක්තිපෙරමුණ #අධිකරණඇමති #නීතිය #HarshanaNanayakkara #FakeDoctorrate #JathikaJanaBalawegaya #JanathaVimukthiPeramuna #JVP #JVP #MinisterofJustice #LawandOrder #SriLankaParliment 

කතානායක වරයාගේ ආචාර්ය උපාධියේ වංචාව නිසා, මාස තුනක් යන්නටත් ප්‍රථම ගිරයට අසුවන මාලිමා ආණ්ඩුව.

ඉතිහාසයේ කෙටිම කාලයක් ඇතුලත දැවැන්තම දේශපාලන අර්බුධයක් ඇති වෙන රජය ලෙස ජාතික ජන බලවේග රජය ඉතිහාස ගත වෙනු ඇත.

ජාතික ජන බලවේගයෙන් එන නිල නොලත් ආරංචි මාර්ග අනුව, පාර්ලිමේන්තු ජයග්‍රහණය සමඟ කතානායක පුටුව සඳහා දැවැන්ත මෙහෙයුමක් ජවිපෙ මන්ත්‍රීවරු සහ ජාතික ජන බලවේගයේ මන්ත්‍රීවරු අතර සීතල යුද්ධයක් ඇති වී තිබිණ. මුලින්ම කතා නායක ලෙස නිර්දේශ වී තිබුනේ හම්බන්තොට දිස්ත්‍රික් පාර්ලිමේන්තු මන්ත්‍රී නිහාල් ගලප්පත්තිය. මීට ජාතික ජන බලවේගය පාර්ශ්වය විරුද්ධ වූ අතර, ඔවුන්ගේ තර්කය වූයේ උගත් පුද්ගලයෙක් කතා නායක පුටුවේ අසුන් ගත යුතු බවයි. ජවිපෙත් බේරාගෙන, උගත් කතාවත් බේරාගෙන, පැරණිම ජවිපෙ ක්‍රියාකාරිකයෙකු වූ "ආචාර්ය අශෝක සපුමල් රංවල" කතා නායක පුටුවේ, වාඩි කරවීමට ජවිපෙ පාර්ශ්වය සමත් විය. කෙසේ වෙතත් මෙම සිදුවීම ජාතික ජන බලවේගය හා බැඳුන සිවිල් සංවිධානවල කෝපයට හේතු වීම මෙම සංසිද්ධියේ ආරම්භය බවයි පැවසෙන්නේ.

කෙසේ වෙතත් එම ආරංචි සත්‍ය බව පසක් කරමින්, සමාජ මාධ්‍ය ඔස්සේ, කතානායකගේ අධ්‍යාපන සුදුසුකම් ප්‍රශ්ණ කිරීමත් සමඟම, ජාතික ජනබලවේගයේ ක්‍රියාකාරී ආචාර්ය නිර්මාල් දේවසිරි එම ප්‍රවෘත්තියට අත්තටු ලබා දුන්නේය. මේ වනවිට එම මතභේදාත්මක කාරණය නිසා, ජනතා විමුක්ති පෙරමුණ පාර්ශ්වය සහ ජාතික ජන බලවේග පාර්ශ්වය එළිපිට කැම්පේන් කරන මට්ටමට පැමිණ ඇත. දෙපැත්තේ මෙම කැම්පේන් නිසා දෙපැත්තේම රෙදි ලෙහී ගැලවී යාමට පටන් ගෙන තිබේ. කතා නායක ගැටළුවෙන් මිදීමට ජනතා විමුක්ති පාර්ශ්වය ඇඟිල්ල දිගු කලේ බලශක්ති අමත්‍ය "ඉංජිනේරු පුණ්‍ය ශ්‍රී කුමාර ජයකොඩි" වෙතයි. ඔහුගේ ඉංජිනේරු උපාධියක් නොමැතිව, ඉංජිනේරු ලෙස භාවිතා කරන බව හෙළිවිය. ඒ සමඟම වරක් ඉස්මතුව යට ගිය, පැරණිම ජනතා විමුක්ති පෙරමුණේ සාමාජිකයෙකු වූ, වත්මන් බෞද්ධ කටයුතු, ආගමික සහ සංස්කෘතික කටයුතු අමාත්‍ය, ආචාර්ය හිනිදුම සුනිල් සෙනෙවි සිදුකල බුද්ධිමය දේපල හොර කමත්, ඔහු ඒ සඳහා අධිකරණයෙන් වැරදිකරු කර ඇති බවත් හෙළි විය. ඊයේ උදේ වරුවේ සමාජ මාධ්‍යය තුල රජ කලේ එම පුවතයි. එසැණින් ක්‍රියාත්මක වූ අනෙක් පාර්ශ්ව තවත් ඡෝදනා කලේ වත්මන් නාගරික සංවර්ධන හා නිවාස ඉදිකිරීම් අමාත්‍ය "ආචාර්ය අනුර කරුණාතිලක" විසින් භාවිතා කරන "ආචාර්ය" පට්ටම බොරුවක් බවත් හෙළිවිය. වැඩි දුරටත් ලැබෙන ආරංචි මාර්ග අනුව ඊලඟ ලැයිස්තුවේ සිටින්නේ, ජනතා විමුක්ති පෙරමුණ පාර්ශ්වය නියෝජනය කරන, වත්මන් තරුණ කටයුතු නියෝජ්‍ය අමාත්‍ය එරංග ගුණසේකර සහ වත්මන් මුදල් නියෝජ්‍ය අමාත්‍ය "ආචාර්ය හර්ෂණ සූරියප්පෙරුම" දෙදෙනායි. එරංග ගුණසේකරගේ සාමාන්‍ය පෙළ ප්‍රතිපලත්, හර්ෂණ සූරියප්පෙරුමගේ "ආචාර්ය" පදවියත් ගැන ඉදිරියේදී සමාජ ගත වීමට නියමිත බව, පැලවත්තෙන් ඇහෙන නිල නොලත් ආරංචි මාර්ග සඳහන් කරයි.

මේ කතාවේ බරපතලම තැන කොතනද?

1. මේ වනවිට කතානායක වරයාගේ ආචාර්ය උපාධිය නිසා මාලිමා රජය දෙලොවක් අතර තනි වී සිටින්නේ ඊලඟ පාර්ලිමේන්තු දිනයේදී, විපක්ෂ මන්ත්‍රීවරුන් මේ පිළිබඳව ප්‍රශ්ණ කිරීමට ඇති සූදානම නිසාය. ඒ අනුව මෙවන් ආචාර්ය උපාධියක් නැති බව කතා නායක වරයාට පිලි ගැනීමට සිදුවන බව අනිවාර්ය සිදුවීමකි. එය එසේ නොවීමට ඉඩ ඇත්තේ කතා නායක වරයා, සිය කතානායක ධූරයෙන් සහ මන්ත්‍රී ධූරයෙන් ඉල්ලා අස්වීමෙන් පමණි.

2. කතා නායක වරයා, කතා නායක ධුරයෙන් හෝ මන්ත්‍රී ධූරයෙන් ඉල්ලා අස් නොවූවොත් හෝ කතා නායක ධූරයෙන් පමණක් ඉල්ලා අස් වුවහොත්, එය ගැටළුවක් නොවේ. මන්දයත් කතා නායක ධූරය හෝ මන්ත්‍රී ධූරය දැරීමට ආචාර්ය උපාධියක් තිබීම අනිවාර්ය නොවන බැවිනි. නමුත් කතා නායක වරයා ඉල්ලා අස් නොවුනහොත් පහත කාරණා ඔස්සේ, කතා නායක වරයාට හෝ කතා නායක ධූරයෙන් ඉල්ලා අස් වූ මන්ත්‍රීවරයාට එරෙහිව විශ්වාස භංග යෝජනාවක් ගෙන ඒමට විපක්ෂය මේ වන විටත් සූදානම් වී සිටී.

📍 තමන් පිළිබඳ ව්‍යාජ තොරතුරු ඉදිරිපත් කරමින්, මැතිවරණ නීති උල්ලංඝණය කිරීම සහ මහ ජනතාව නොමඟ හැරීම.

📍 මැතිවරණ කොමිෂන් සභාව වෙත තමන් පිළිබඳ ව්‍යාජ තොරතුරු සැපයීම

📍 උත්තරීතර පාර්ලිමේන්තුවට ව්‍යාජ තොරතුරු සැපයීම හරහා පාර්ලිමේන්තුවේ ගරුත්වය කෙලෙසීම

සහ තවත් ඡෝදනා රාශියක් එල්ල කිරීමට විපක්ෂයේ පාර්ශ්ව කිහිපයක්ම සූදානම්ව සිටී.

3. මෙම විශ්වාසභංගය සමඟ ජාතික ජන බලවේගය මුහුණ දෙන්නේ, "මඟ සිටියොත් තෝ නසී - ගෙදර ගියොත් අඹු නසී" වැනි ඉරණමකටය. කතානායකට පක්ෂව, විශ්වාසභංගයට විපක්ෂව ඡන්දය භාවිතා කලහොත්, මාලිමා රජයේ කන්‍යා පටලය කුඩු වී, සුවිසල් මහජන කල කිරීමට සහ විරෝධයට ලක්වෙනු ඇත. විශ්වාසභංගයට පක්ෂව සහ කතානායකට විපක්ෂව ඡන්දය භාවිතා කලහොත්, කතා නායකට ගෙදර යන්න වෙනවා පමණක් නොව, හොර උපාධි ලේබල් අලවන් ඉන්න මන්ත්‍රීවරුන්ට, කතා නායකගේ සිද්ධිය පූර්වාදර්ශයක් කරගෙන ගෙදර යන්න සිදු වනු ඇත. එසේ වුවාත් මහජන විරෝධය සහ කලකිරීම ඉතාම ප්‍රභල අයුරින් මාලිමා රජයට එල්ල වෙනු ඇත. ඒ වගේම අනාගත වසර පහ පුරාවටම, වංචනිකයන් පාර්ලිමේන්තුව නියෝජනය කරවීමේ ඡෝදනාව, විපක්ෂ විසින් දිගින් දිගටම එල්ල කරනු ඇත. උදාහරණයක් ලෙස, මාලිමාවේ කයි කතන්දර අවසන, විපක්ෂයේ මන්ත්‍රීවරයෙක් නැගිට, "හොර ආචාරියාව කතානායක කරපු අයනේ ඔයාලා", "ඔබතුමාට තියෙන හොර උපාධිය මොකක්ද", "ඔයාලාගෙ උපාධි ගැන අපි දන්නවානේ.. කතා නායක සිද්ධිය මතකනේ" වැනි සමච්චල් කතා වලින්, ආණ්ඩු පක්ෂය දරුණු ලෙස අසරණ කරනු ඇත.

4. කෙසේ වෙතත් මෙම ක්‍රියාවලිය තුල මාලිමා රජයේ ජාතික ජන බලවේග පාර්ශ්වය පරදා ජනතා විමුක්ති පෙරමුණ ජයග්‍රහණය කිරීම සිදුවන බවට අවිශ්වාසයක් නැත. ඒ පසුගියදා ඡොදනා එල්ල වූ ජනතා විමුක්ති පෙරමුණ පාර්ශ්වයේ හිනිදුම සුනිල් සෙනෙවි අමාත්‍යවරයාටත්, ඡෝදනා එල්ල වීමට නියමිත යැයි සැක කෙරෙන නියෝජ්‍ය අමාත්‍ය එරංග ගුණසේකරටවත් ඉහත තත්ත්වය බල නොපාන බැවිනි. කතා නායක පුටුවෙන් ඉවත් කරත්, ජනතා විමුක්ති පෙරමුණේ නිහාල් ගලප්පත්ති මන්ත්‍රීවරයා පාර්ලිමේන්තුවේ කතා නායක අසුනේ වාඩි ගනු ඇත.

ඒ අනුව මාලිමා රජයේ ජාතික ජන බලවේග පාර්ශ්වය සහ ජනතා විමුක්ති පෙරමුණ අතර තිබෙන සීතල යුද්ධයෙන්, උගත් බුද්ධිමත් ජාතික ජන බලවේග පාර්ශ්වය පරදා, ත්‍රස්ත ඉතිහාසයක් ඇති, කපටි නූල් සූත්තරකාර ජනතා විමුක්ති පෙරමුණ පාර්ශ්වය, සර්ව සම්පූර්ණ ජයග්‍රහණයක් අත් කර ගනු නියතය. ඔවුන්ගේ ජයග්‍රහණය තුල, "ආණ්ඩුකරණයට ඇති අකමැත්ත" යන සිතුවිල්ල පවා ජයග්‍රහණය කිරීමට ඉඩ ඇති බවද කිව යුතුය.

අවසාන වශයෙන් යමක් කිව යුතුය.

"බොහෝ පිරිසක් කුඩා කාලයකටත්, කුඩා පිරිසක් බොහෝ කාලයකටත් රැවටිය හැකි නමුත්, බොහෝ පිරිසක්, බොහෝ කාලයකට රැවටිය නොහැකිය" යන්න පාලකයාත්, පුරවැසියාත් නිතර නිතර මෙනෙහි කල යුතු කාලය පැමිණ තිබේ.

අභීත එදිරිසිංහ

2024 දෙසැම්බර් 12

#අශෝකරංවල #ජාතිකජනබලවේගය #ජනතාවිමුක්තිපෙරමුණ #පුන්‍යශ්‍රීකුමාරජයකොඩි #අනුරකරුණාරත්න #එරංගගුණසේකර #හර්ෂණසූරියප්පෙරුම #හිනිදුමසුනිල්සෙනෙවි #AshokaRanwala #HinidumaSunilSenevi #ErangaGunasekara #AnuraKarunarathna #HarshanaSooriyapperuma #PunyaSriKumaraJayakodi #JathikaJanaBalawegaya #JanathaVimukthiPeramuna #JVP #NPP #SriLanka #ශ්‍රීලංකාව

=== වැඩ බැරි කම, අධි මානය, විපක්ෂ මානසිකත්වය, බොරුව රඳා පවත්වා ගැනීමේ උත්සාහය, ම්ලේච්ඡත්වය සහ මාලිමා රජයේ අසමත්කම. ===

ඉතිහාසයේ කෙටිම කාලයක් තුල සමච්චලයට ලක්වන ආණ්ඩුව ලෙසට වත්මන් ආණ්ඩුව පත් වී තිබේ. මාලිමාවට ඡන්දය දුන් අය මෙය පිළිගැනීමට අකමැති වුවත් සත්‍යය එය බව ඔවුන්ගේ යටිසිතට තට්ටු කල විට පිළිගනු ඇති බව මාගේ විශ්වාසයයි. ඒ හේතුව නිසාම කිසිදා නොවූ විරූ ලෙස, ඉතා කෙටි කාලයක් තුල ආණ්ඩු පක්ෂයට ඡන්දය දුන් පුද්ගලයන් සමාජ මාධ්‍ය තුල දිගින් දිගටම සමච්ඡලයට ලක් වෙමින් පවතී. 

අපි මාතෘකාවේ සඳහන් කාරණා එකින් එක ගමු. 

වැඩ බැරි කම

මැතිවරණ යුගයේ ස්ටේජ් වල මයික් පලමින් දුන් කිසිදු පොරොන්දුවක් අද වෙනතුරු ජනතාවට ලබා දීමට ඔවුන් සමත්ව නැත. දේශීය සහ විදේශීය ණය, IMF ක්‍රියාවන්, හාල් ප්‍රශ්ණය, පොල් ප්‍රශ්ණය, ලුණු ප්‍රශ්ණ කිසිවක් ඔවුන්ගේ වචනයෙන් කියූ, එක් පෑන් පහරින්, පැය විසි හතරෙන්, සතියෙන් දෙකෙන් විසඳී නැත. ඒ වගේම කිසිදු අමාත්‍යාංශයක සැලකිය යුතු ප්‍රගතියක් අත් කර දීමට ඔවුන් සමත්ව නැත. කිසිදු මහා පරිමාණ ව්‍යාපෘතියක් ආරම්භ කිරීමට තියා, සිදු කරමින් තිබූ ව්‍යාපෘතියක් කඩිනම් කිරීමට පවා ඔවුන් සමත්ව නැත. එකදු සැලකිය යුතු මට්ටමේ ආයෝජනයක් ලංකාවට ලබා ගැනීමට ඔවුන් සමත් ව නැත. සුවිසල් ව්‍යාපෘති තියා, ග්‍රාමීය මාර්ගයකට ඉන්ටර්ලොක් කැටයක්වත් අල්ලන්නට ඔවුන් අද වෙනතුරු සමත්ව නැත. පරිපූරක අයවැයෙන්, පෙරට වඩා එක සතයක් කපා දමන්නට ඔවුන් සමත්ව නැත. පාර්ලිමේන්තුව කැඳ වූ දින හතරේදීම පාර්ලිමේන්‍තු සම්ප්‍රදායන් පවා පාලනය කර නොහැකිව එකම විකාරයක් කරගත් අයුරු අප දුටුවෙමු. ඉතින් මෙම ආණ්ඩුව මැතිවරණයට පෙර වේදිකාවන්හි මයික් පැලූ කයිවාරු කාරයන් සහ වැඩ බැරි දාසලා මිස, වැඩකාරයෝ නොවන බව දිගින් දිගටම ඔප්පු කරමින් සිටී.

අධි මානය

බලය ගන්න කලියෙන් හීන මානයෙන් පෙළුණ මෙම පිරිස, බලය ගැනීමත් සමඟ අධි මානයකින් පෙළෙන බව පෙනී යමින් තිබේ. අතිගරු ජනාධිපති තුමා මෙන්ම කැබිනට් ප්‍රකාශක නලින්ද ජයතිස්ස අමාත්‍යවරයාත් මෙහි හිනිපෙත්තටම නැඟ සිටී. අනතුරුව මෙම ගති ලක්ෂණ පෙන්නුම් කරන්නේ මාලිමා ආණ්ඩුවේ ජනතා විමුක්ති පෙරමුණ නියෝජනය කරන පිරිසයි. උදාහරණ ලෙස ගතහොත් මොවුන්ගේ සමහර ප්‍රකාශ පහත පරිදි වේ. 

📍 හාල් මෝල් ප්‍රශ්ණය තව දින දහයකින් බලමු

📍 අපි එක එක්කෙනාගෙ ඡෝදනා වලට උත්තර දෙන්න යන්නෙ නෑ

📍 කතා නායක උත්තරේ දෙයි අවශ්‍ය වෙලාවට

📍 පොල් ප්‍රශ්ණය ගැන තව දින දහයකින් අහන්න

📍අපි වචනත් දන්නවා, වචන අතරත් දන්නවා

📍 වගා බිමට ආවොත් සතුන්ට ඕනම දෙයක් කරන්න

📍එයාලාට උත්තර දෙන්න අපි කවුද?

මේ කොච්චර අධි මාන්නයන් නඩත්තු කලත්, වඩේ කාරයා යැයි මාලිමාවම අපහාස කරපු චාමර සම්පත් දසනායක මන්ත්‍රී වරයා, සිය පාර්ලිමේන්තු කතාවේදී එම අධිමාන කාරයන් සියල්ල එකවර උස්සා පොළවේ ගසා සුන්නද්ධුලි කර දැමූ හැටිද අපට මතකය. එතැනදී සද්දෙ වහන්, අත පය කොර කරන් හිටි මාලිමා පීපල්ස්ලා නැවත මයික් ඉදිරියට ගොස් සුපුරුදු කට මැත දොඩවනු දැකිය හැකි විය. 

කෙසේ වුවත් ජනපතිවරයාගේ මේ පොර ටෝක් වලට, තව වැඩි අගයක් එකතු කිරීමේ යෝජනාවක් මම, නජිත් ඉන්දික මන්ත්‍රීතුමා වෙත සිදු කරමි. ඒ සාකච්ඡා මේසයේ ජනපති පුටුවට ටිකක් උසින් වැඩි කොට්ටයක් සපයන ලෙසයි. නැතිනම් දෙන පොර ටෝක් එකයි, ජනාධ්පතිතුමාගේ උසයි අතර පොඩි නොගැලපීමක් ඇති බව මගේ විශ්වාසයයි. 

විපක්ෂ මානසිකත්වය

ආණ්ඩුවේ නොහැකියාව බේරා ගැනීමට, ඔවුන් විපක්ෂයේ සිටියදී අනුගමනය කරපු ක්‍රියා පටිපාටියමය. වැඩ කිරීම පසෙක ලා තම ප්‍රතිවිරුද්ධ මත වල සිටින දේශපාලකයන්ට බැන වදිති, දෙස් තබති, සාප කරති. ඒ වගේම අමු ගොබ්බ තර්ක කරති. උදාහරණයක් ලෙස සහල් සහ පොල් ප්‍රශ්ණ වලදී මාලිමාව අහන්නේ "සීයා කුඹුරු වපුරලා, පොල් හිටවලා ගියෙ නැද්ද?" යනුවෙනුයි. ආණ්ඩු මාරු වෙනකොට ප්‍රශ්ණ විසඳන්න හිටපු පාලකයාගේ සේවයක් බලාපොරොත්තු වෙන තරමටම ආණ්ඩුව ගොබ්බ විපක්ෂ මානසිකත්වය හිස ලා ගෙන සිටී. ඊට වඩා ඒ ගැන කතා කල යුතු නැත.

බොරුව රඳා පවත්වා ගැනීමේ උත්සාහය

මැතිවරණයට කලින් කියූ බොරු ගැන අප කලින් කතා කරපු නිසා, මැතිවරණයෙන් පසු මෙම ආණ්ඩුව බොරුව පවත්වා ගැනීමට ගන්නා උත්සාහන් ගැන අප උදාහරණයන් සමඟ කතා කරමු.

📍 උතුරේ මහ විරු සැමරුම.

මෙවර උතුරේ මහ විරු සැමරුම් සිදු නොවූ බව කියන්නට මෙම රජය නොවිඳිනා දුක් වින්දේය. ඒ ගැන කියූ සමාජ මාධ්‍ය කරුවන් ත්‍රස්තවාදය වැළැක්වීමේ පණත යටතේ අත් අඩංගුවට ගත්තේය. මේ පිළිබඳව සඟවා, එසේ මහ විරු සැමරුම් සිදු නොවූවා යැයි කියන්නට තැතනූ බොරුව අවසානයේ නිම වූයේ හත් පොලේ ගා ගැනීමෙන් අනතුරුවය. දයාසිරි ජයසේකර මන්ත්‍රීවරයා  පාර්ලිමේන්තු ප්‍රශ්ණයක් යොමු කරමින් අසා සිටියේ උතුරේ පිරබා හරන්ගේ රූපයක් ෆේස්බුක් දැමූ තරුණයා දණ්ඩ නීති සංග්‍රහයේ 120 වගන්තියෙන් උසාවියට ඉදිරිපත් කරන්නටත්, එල් ටී ටී යට එරෙහි ෆේස්බුක් සටහන් දැමූවන් ත්‍රස්ත ආරක්ෂක පණත (PTA) යටතේ උසාවියට ඉදිරිපත් කරන්නට හේතුව කුමක්ද යන්නය. මුලින්ම අත් අඩංගුවට පත් ජනිත් චතුරංග තරුණයාට ඇප ලැබුණේ ඊයේ දවසේදීය. කෙසේ වෙතත් දයාසිරි ජයසේකර මන්ත්‍රීවරයාට පිළිතුරු දුන්, මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාල මහතා ප්‍රකාශ කලේ උතුරේ එවැනි සැමරුම් රැසක් පවත්වා ඇති බවත්, එයින් දහයක පමණක් එල්ටී ටී ඊ සංවිධානයට අයත් විවිධ සළකුණු භාවිතා කර ඇති බවත්‍ ය. කෙසේ වෙතත් එම දහය පැවැත් වූවන් ගැන පොලීසිය පරීක්ෂණ කරන බව ඔහු වැඩි දුරටත් සඳහන් කලත්,අද වෙනතුරු ඒ සම්භන්ධයෙන් අත් අඩංගුවට පත් වූවෙක් පිළිබඳව කිසිදු පුවතක් වාර්තා වී නැත.

ඉන් පසුව මාධ්‍ය ප්‍රධානීන් සමඟ ගරු ජනපතිවරයා පැවති සාකච්ඡාවේදී, මෙම මහ විරු සැමරුම් සඳහා 40,000කට වැඩි පිරිසක් සහභාගී වූ බවට ජනපතිවරයා පිළිගත්තේය. එහිදී ජනපතිවරයා 2017, 2018, 2022 සහ 2023 වසර වල මහ විරුසැමරුම් වලට සහභාගී පිරිස් ගැනද කියූ නමුත්, 2019, 2020 සහ 2021 වර්ෂ ගැන නොකියූවේ, බුද්ධි අංශ වාර්තා නොකල නිසාද, නැතහොත් මහවිරු සැමරුම් සිදුව නැති නිසාද යන්න මම තවමත් කල්පනා කරමි.

කෙසේ වුවත් කැලුම් හර්ෂක, කැලුම් ජයසුමන සහ රේණුක පෙරේරා යන තිදෙනා සම්බන්ධයෙන් ගරු අධිකරණය කල ප්‍රකාශවලින් පසු, මහවිරු සැමරුම් නමැති අසූචි කැබැල්ල, ආණ්ඩුවේ සළුපිළි අතරින් පැමිණ දැවැන්ත ශබ්දයක් නගා බිමට පතිත වුනේ මුලු ආණ්ඩුවේම හත් පොලේම අසූචි තවරාලමින් බව අප දැන් දනිමි.

📍 සහල් මිල පාලනය

සහල් මිල වැඩි වන්නට පටන් ගද්දීම, රජය තම සුපුරුදු පොර ටෝක් ටික දෙන්නට විය. සහල් පිටරටින් ආනයනය කිරීමේ තීන්දුව ගද්දී, ජනපතිවරයා වශයෙන් මැතිවරණ වේදිකාවේ "එක හාල් ඇටයක්වත් පිටරටින් ගේන්නෙ නෑ" යනුවෙන් සිංහ නාද පවත්වා සති දෙකක්වත් ඉක්ම ගොස් නොතිබුන තරම් ය. කෙසේ වුවත් මහ මෝල් හිමියන් දණ ගස්වනවා යැයි වහසි බස් දොඩමින්, පිටරටින් ටොන් 30,000ක් ඇණවුම් කර, පළමු තොගය ලෙස ටොන් 10,000ක් ගෙන ඒමට කටයුතු කලේය. සමාජ මාධ්‍ය තුල අද එනවා, හෙට එනවා කියා සටහන් වුවත්, අදටත් පිටරටින් පැමිණි සහල් ඇටයක් සොයා ගැනීමට අපහසුය. ආනයනය කරන සහල් මිලද කිලෝවක් රුපියල් 225ක් දක්වා ඉහල ගොසිනි. මහ හාල් මෝලුන් දණ ගස්සවන්නට ගිය ආණ්ඩුව, වසර 76ක සාපය නිමා කරමින්, ඉතිහාසයේ සහල් වලට ලබා දුන් රුපියල් 230.00ක මිලක් ලබා, ප්‍රීතිය සැමරීම පිණිස ජනපතිවරයා මේසයටද පහරක් ගසා, ජනතාවට සහල් සහනය ලබා දීමේ බොරුවද අවසන් කලේය.

මන්ත්‍රීවරුන්ගේ අධ්‍යාපන සුදුසුකම්

අද වෙනකොට කරළියට පැමිණ තිබෙන මේ සම්භන්ධ ප්‍රධාන මාතෘකා හතරකි. සමාජ මාධ්‍ය හරහා ඒ සම්භන්ධ පුවත් තුනක් ප්‍රධාන වශයෙන් පළවිය.

1. කතානායක තුමාගේ ආචාර්ය උපාධිය

2. බලශක්ති ඇමතිතුමාගේ ඉංජිනේරු උපාධිය

3. ඩිජිටල් නියෝජ්‍ය ඇමතිතුමාගෙ ලැප්ටොප් හොරකම

මට අමතරව ස්ථාන දෙක තුනක තරුණ කටයුතු නියෝජ්‍ය අමාත්‍යවරයා සාමාන්‍ය පෙල අසමත් ලෙස සටහන්ව තිබුණද, එය වඩාත් ජනප්‍රියව කරළියට පැමිණ තිබුනේ නැත. 

ඉහත කරුණු තුනෙන් තුන්වන කරුණ අද උදෑසන කරලියට ආ නමුත්, එය අද දිනයේම fact checkers හරහා නිවැරදි කරන්නට කටයුතු කර තිබිණ. ඒ නිසා අපි එය වැරදි පුවතක් සේ සලකා බැහැර කරලමු. 

නමුත් පළමු හා දෙවන කරුණු මේ වනවිට සමාජ මාධ්‍ය කළඹමින් සිටී. කතා නායක වරයාගේ ආචාර්ය පට්ටම අද වන විට පාර්ලිමේන්තු වෙබ් අඩවියෙන්ද ගැලවී ගොසිනි. බලශක්ති අමාත්‍යවරයාගේ ඉංජිනේරු උපාධියද මේ වනතුරුම ආගිය අතක් නැත. ආණ්ඩුව මේ දෙකෙන් කිසිවකට පිළිතුරු නොදී, තව දුරටත් මෙම බොරුව පවත්වා ගෙන යෑමට අසීරු උත්සාහයක් නිරත වෙමින් සිටී. කෙසේ වෙතත් මේ ගැටළුවද විසදෙන්නේ පාර්ලිමේන්තුවේ ප්‍රශ්ණ කර සහ ජනපතිටද කුමන හෝ සාකච්ඡාවක් මැද්දේ මේ කතාව පිලි අරගෙන, නැවත වරක් කුල්ල කුජීත වී, ඒ බොරුවන්ද ආණ්ඩුව කෙරෙහි ජනතා අප්‍රසාදය හිමි කර දෙමින් බව කිව යුතුය.

📍 තෙල් මිල අඩු කිරීම, විදුලි බිල අඩු කිරීම ගැන කතා නොකරමි. ඒ ගැන කතා කලොත් මෙම ලිපිය අවසන් කිරීමට පෙර මෙම ආණ්ඩුව, අලුත් ආතල් එකක් දී මෙම කාරණා යල් පැන ගිය මාතෘකා බවට පත් කරාවි යැයි සාධාරණ බියකින්ද පෙළෙමි. 

ම්ලේඡ්චත්වය

මේ සඳහා ඊයේ දිනයේ වූ එක් සිද්ධියක් ගැන පමණක් කියමි. පසුගියදා අධ්‍යාපන අමාත්‍යාංශය ඉදිරිපිටදී උද්ඝෝෂණයක් පැවැත්වුනා. ඒ පාසැල්වල ඉගැන්වීම කරන සංවර්ධන නිලධාරීන්ව ගුරු සේවයට බඳවා ගන්නා ලෙස ඉල්ලමින්. මෙතෙක් ඉතිහාසයේ සිදුව නැති ම්ලේච්ඡම සිදුවීමක් එම උද්ඝෝෂණයේදී සිදුව ඇති බව ඊයේ දිනයේදී කඩුවෙල උසාවියේදී හෙලිවුනා. උද්ඝෝෂණය අතර තුර තියුණු ආයුධයකින් පොලිස් නිලධාරීන්ගේ ශරීරය උද්ඝෝශකයන් කපා ඇති බවට පොලීසිය ඡෝදනා කල අතර, එම කැපුම් නිසා පොලිස් නිලධාරීන් කිහිප දෙනෙක් රෝහල්ගත කරනු ලැබුවා. එම නිසාම පොලීසිය උද්ඝෝෂකයින්ට පහර දී කිහිප දෙනෙක් අත් අඩංගුවට ගෙන උසාවියට ඉදිරිපත් කිරීමෙන් අනතුරුව ඊයේ දිනය දක්වා රක්ෂිත බන්ධනාගාර ගත කෙරුණා. නමුත් ඊයේ දිනයේදී කඩුවෙල අධිකරණයේදී හෙලි වූයේ, එම තුවාල සිදු කල තැනැත්තා යුධ හමුදා බුද්ධි අංශ සාමාජිකයෙක් බවයි. ඔහුගෙන් මේ වන විට කිසිදු කට උත්තරයක්වත් ලබා නොගෙන ඇති බවත් ඊයේ උසාවියේදී හෙලි වූ බව මාධ්‍ය වාර්තා කලා. 

ඒ අනුව මෙම ක්‍රියාව ඉතිහාසයේ කවර හෝ ආණ්ඩුවක් නොකරපු මට්ටමේ,  සාමකාමී උද්ඝෝෂකයින් මර්ධනය කිරීම සඳහා ගත් ම්ලේඡ්ච සහ නින්දිත උපාය මාර්ගයක් බව ඉතා පැහැදිලිය.

මාලිමා රජයේ අසමත්කම

මේ ආණ්ඩුවේ අසමත්කම පිළිබඳව ඉහත සියල්ල උදාහරණ වේ. නමුත් මෙම අසමත්කම ගැන ආචාර්ය (ඇත්ත ආචාර්ය) නිර්මාල් දේවසිරි අපූරු වචන කිහිපයකින් සඳහන් කර තිබෙනු දුටුවෙමි. ඒ නිසා එහි තිර දර්ශණයක් මීට අමුණා මෙම ලිපිය අවසන් කරමි. 

මම ඉහත කී කාරණා වලට නිදසුන් බොහොමයක්, පහතින් සටහන් වෙන මාලිමා හිතවාදී සඟයන්ගේ කමෙන්ට් හරහා ඔබට පැහැදිලි වනු ඇත.

#JathikaJanaBalawegaya #MahawiruSemaruma #AshokaRanwala #PunyaJayakodi #DudleySirisena 

ඊබ්‍රහීම් නානාත් ඉන්නවා කියන එක අමතක කරලා දාන්න. නැත්නම් ඒ අහිංසක මනුස්සයාත් මේවාට පැටලෙනවා..

=== අන්තිම ඡේදෙට උඩ ඡෙදේ කියෙව්වාට කමක් නෑ.. හැබැයි අමතක කරලා දාන්න ===

රුපියල් 10ක් වැඩි කරමින් ගැසට් එක රිවස් වෙයිද? ස්වර්ණා නාඩුවෙන් රුපියල් 10ක කොමිස් මුදලක් යනවාද? එසේනම් එම කොමිස් මුදල කාටද?

ඊයේ දිනයේදී, අතිගරු ජනාධිපති අනුර කුමාර දිසානායක සහල් මෝල් හිමියන් හමුවෙලා තිබුණා. එහිදී දැඩි තීරණ ගත්තා කියලා මාධ්‍යය පෙන්නුවත්, හාල් මෝල් හිමියන් ඉදිරියේ ජනාධිපතිවරයා තම අඩිය පස්සට රැගෙන තිබෙන බව තමයි අපටනම් පෙනුනේ. 

මේ සාකච්ඡාව අනුව, හාල් මිල සම්බන්ධව විශේෂ ගැසට් පත්‍රයක් එන බව පෙනෙන්නට තිබෙන්නේ. හැබැයි අර,සිංහ නාද නෑ.. රුපියල් දහයක් වැඩි කරලයි එන්නේ.. අපට මතකයි පසු ගිය ගැසට් පත්‍ර. ගෝඨාභය රාජපක්ෂ මැතිතුමා නාඩු මිල රුපියල් 98ක උපරිම මිල සටහන් කරලා 2021 සැප්තැම්බර් 01 ගැසට් එකක් ගැහුවා. 2023 සැප්තැම්බර් 07 හෝ 08 රනිල් වික්‍රමසිංහ මැතිතුමා නාඩු මිල 220ක් ලෙස සටහන් කරලා ගැසට් එකක් ගැහුවා. ඒක තමයි මේ ලිපිය ලියන මොහොත වෙනකන් බල පැවැත්වෙන සහල් මිල පිළිබඳ ගැසට් පත්‍රය. හැබැයි ඊයේ තිබ්බ සාකච්ඡාවට අනුව ජනාධිපති මාධ්‍ය අංශය නිල මාධ්‍ය නිවේදනයක් නිකුත් කරමින් නාඩු මිල රුපියල් 230ක උපරිම සිල්ලර මිල ලෙසට නිවේදනය කලා. ගැසට් පත්‍රයකින් නියම කරලා තිබෙන මිල, ජනාධිපති මාධ්‍ය අංශයේ නිවේදනයකින් වෙනස් කල නොහැකි නිසා, බොහෝ දුරට අද ගැසට් නිවේදනයක් පල වෙන්නට ඉඩ තියෙනවා. 

හැබැයි මෙහි ආතල් කොටසක් තියෙනවා. ඒ තමයි ආනයනික සහල් මිල. එහි උපරිම සිල්ලර මිල ලෙස සඳහන් වෙන්නේ රුපියල් 225ක් ලෙසට. තොග මිල සටහන් වෙන්නේ 220ක් ලෙසට. පසුගිය දවස්වල ජාතික ජන බලවේගයට සහාය දැක් වූ සමාජ මාධ්‍ය හිතවතුන්, රටින් ගෙන්වන ස්වර්ණා සහල් රුපියල් 100ට වරායට එන බව සටහන් කලා. අපට ලැබෙන ආරංචි මාර්ග අනුව, මෙම සහල් වරායෙන් එළියට එන විට රුපියල් 198ත් 202ත් අතර අගයක් ගන්නවා. පළමු තොගය ටොන් 10,000ක්. සම්පූර්ණ තොගය ටොන් 30,000ක්. ඒ කියන්නේ කිලෝ 30,000,000ක්. කිලෝ මිලියන 30ක්. කිලෝ එකක ලාභය ඇතුලු මෙහෙයුම් වියදම් රුපියල් 8ක්ම දැමුවාත්, මිලියන 240ක්. කෝටි 24ක්. එහෙම කරත් කිලෝවක මිල එන්නේ රුපියල් 210.00යි. නමුත් ඊයේ ජනාධිපති තුමා එහි මිල තීරණය කරන්නේ තොග කිලෝ එකක් රුපියල් 220ක් ලෙසට. වැඩිපුර රුපියල් මිලියන 300ක්. කෝටි 30ක් එතන රැඳිලා තියෙනවා. ඉතින් ඉස්සර ජාතික ජන බලවේගය වගේ  මේ කෝටි 30 කොමිස් මුදලක් ලෙස යනවාද, එසේ යනවානම් ඒ කාටද කියා කියන්නට මේ ආණ්ඩුව සමත් වේවිද?

තව කතාවක් මතකද? මීට දින 4කට පෙර, දෙසැම්බර් 4 වෙනිදා වෙළඳ ඇමති වසන්ත සමරසිංහ පවසා සිටියේ සතොස හරහා දිනකට සහල් කිලෝ ලක්ෂ දෙකක් ලබා දෙන බවත්, එහි උපරිම මිල රුපියල් 220.00ක් බවත් ය. එතකොට සහල් මාෆියාව බිඳ දමන්නට ආනයනය කරන සහල්වල සිල්ලර මිලත් රු 225.00ක් වෙන්නේ කොහොමද? මේවා හරි අපබ්‍රංශ කතා විදිහට හිතෙන්නෙ නැද්ද බලන්න.

මේ හරහා අවසානයට මොකක්ද වෙලා තියෙන්නේ. 

ආනයනික සහල් මාෆියා කාරයාන්ගේ ආධිපත්‍යයට ඉඩ දීම උදෙසා, දේශීය සහල් මිල ගණන් තවත් රුපියල් 10කින් ඉහල දැමීමක් කියලා හිතෙන එක නතර කරගන්න ක්‍රමයක් කාට හරි තියෙනවාද?

මේ ලිපිය කියවන ඔයාලා සැලකිලිමත් විය යුතු වැදගත්ම කාරණයකුත් තියෙනවා. පිටකොටුවේ ආනයන අපනයන් වෙළදාම් කරුවො අතරේ, 

📍රජෙක් වගේ ඉන්න, 

📍පාස්කු ප්‍රහාරය ගැන සැක පිට අත් අඩංගුවට අරන්, 

📍දැන් ඇප පිට නිදහස් වෙලා ඉන්න, 

📍2015 ජනතා විමුක්ති පෙරමුණේ ජාතික ලැයිස්තුව නියෝජනය කරපු 

ඊබ්‍රහීම් නානාත් ඉන්නවා කියන එක අමතක කරලා දාන්න. නැත්නම් ඒ අහිංසක මනුස්සයාත් මේවාට පැටලෙනවා..

හාල් මිල අඩු කරලා, යසට කිරිබත් කන්න කතිරේ ගහපු ඔයාලා හැමෝටම ජයවේවා..! අපි ඒ රට හෙමීට ගොඩ නගමු සහෝදරවරුනි. නැවතත් ජයවේවා..!

මාලිමා ආණ්ඩුවකින්ම නිවැරදි වුණ ජොන්ස්ටන් ප්‍රනාන්දුගේ සුරා බදු වංචාව.

ජොන්ස්ටන් ප්‍රනාන්දු 2009 වසරේදී මහින්ද රාජපක්ෂ මැතිතුමන් හා දේශපාලනිකව අත්වැල් බැඳ ගැනීමත් සමඟම, දැන් ජාතික ජන බලවේග වෙස්මුහුණ බැඳන් ඉන්න ජනතා විමුක්ති පෙරමුණේ බලවේග දිගින් දිගටම සමාජ මාධ්‍ය ඔස්සේත්, මැතිවරණ වේදිකාවලත් දිගින් දිගටම ඡෝදනා කලා. එතනෝල් ගෙන්වන්නෙකු ලෙසත්, කසිප්පුකාරයෙකු බවත් කියමින්, බාර් විශාල සංඛ්‍යාවකට හිමිකම් කියන්නෙකු ලෙසත් ප්‍රචාරය කරමින් දැවැන්ත මඩ ප්‍රහාර සංඛ්‍යාවක් ජොන්ස්ටන් ප්‍රනාන්දු වෙත එල්ල කලා.

ජොන්ස්ටන් ප්‍රනාන්දු පරම්පරාව ඉතිහාසයේ සිටම කරගෙන ආවේ රේන්ද (ඒ කාලයේ රේන්ද නමින් තමයි සුරාබදු බලපත්‍ර හැඳින්වූයේ) සහ වැවිලි කර්මාන්ත ආශ්‍රිත ව්‍යාපාර. ඔවුන්ගේ ව්‍යාපාර ලියාපදිංචි ව්‍යාපාර බවට පත් වන්නේ ඉංග්‍රීසි ආණ්ඩුව කාලයේදී. එය 1880 දශකය තරම් ඈතට දිව යනවා. ජොන්ස්ටන් ප්‍රනාන්දුගේ මුත්තා තමයි මේ ව්‍යාපාර ආරම්භ කරන්නේ. කුරුණෑගල දිස්ත්‍රික්කයේ පැරණිම අවන්හල වුන පැරකුම්බා වීදියේ තිබෙන අවන්හල, තවමත් පැරැන්නන් හදුන්වන්නේ "ප්‍රනාන්දු සාප්පුව" ලෙසයි. ඒ කාලයේ බාර්, රෙස්ටොරන්ට් වචන භාවිතාවටවත් පැමිණ නැහැ. එය එතරම්ම පැරණි ව්‍යාපාර. අද වෙනකොට පුළුල්ව තිබෙන මේ ව්‍යාපාර සමඟ පුද්ගලයින් දස දහසක පමණ ප්‍රමාණයක් සෘජු හා වක්‍ර රැකියා ප්‍රමාණයක් මේ තුල බිහිවෙලා තිබෙනවා. 

ඒ වගේම ප්‍රනාන්දු පරම්පරාව සතු සමාගම් වල වැවිලි ක්ශේස්ත්‍රය සම්භන්ධ ඉඩම් විශාල ප්‍රමාණයක් තිබෙනවා. 1980 දශකය වෙන විට එම ඉඩම් ප්‍රමාණය අක්කර දහස් ගණනක් වුවත්, අද වෙනකොට එය ඉතාම අඩු ගණනක් ගන්නවා.

කෙසේ වෙතත් 2015 යහපාලන ආණ්ඩුව බලයට පැමිණි ගමන්ම ජොන්ස්ටන් ප්‍රනාන්දුට අයත් මත්පැන් කන්ටේනර් දෙකක් දෙමටගොඩදී අත් අඩංගුවට ගන්නවා. නමුත් දින දෙකක් තුලදී එම මත්පැන් නිදහස් කරන්නේ ඒ සියල්ල නිදහස් කරන්නේ, එම මත්පැන් සියල්ල නීත්‍යානුකූල බව හෙලි වීමෙන් පසුවයි. ඉන්පසු, යහපාලන ආණ්ඩුව පිහිටවූ දූෂණ මර්ධන ඒකකය හරහා, දිගින් දිගටම ජොන්ස්ටන් ප්‍රනාන්දු පසුපස පන්නන්න වූයේ, එකල දූෂණ මර්ධන ඒකකයේ ප්‍රධානීව සිටි, වත්මන් රාජ්‍ය ආරක්ෂ අමාත්‍ය ආනන්ද විජේපාල මහතාගේ ප්‍රධානත්වයෙන්. නමුත් ඒ නඩු හැම එකකින්ම අධිකරණය විසින් ජොන්ස්ටන් ප්‍රනාන්දුව නිදොස් කොට නිදහස් කර ඇති අතර, මැතිවරණ ලං වෙනකොට, තාක්ෂණික කාරණා කියමින් එම කාරණා වලටම යලි යලිත් නඩු පවරන්නට, විවිධ ආණ්ඩු කටයුතු කලා. අදටත් ඔහු කිසිම කෙඳිරිල්ලක් නැතුව මෙම නඩු කටයුතු වෙනුවෙන් පෙනී ඉන්නවා. 

ජොන්ස්ටන් ප්‍රනාන්දු හා සම්භන්ධ මත්පැන් කතාව එන්නෙ ඔහුට හිමි යැයි කියන වයඹ ඩිස්ටිලරීස් සමාගමත් එක්ක.මගේ මතකය නිවැරදි නම් මෙම සමාගම ඔහුට අයත් වෙන්නේ 2010 හෝ 2011 වසර වල. ඊට ප්‍රථම මෙම සමාගම බංකොලොත් වෙලා තිබි තිබුණ බදු ගෙවීම් පැහැර හැර තිබූ සමාගමක් විදිහටයි සම්භන්ධ වෙන්නෙ. ජොන්ස්ටන් ප්‍රනාන්දු විසින් මෙම සමාගම සක්‍රීය කරමින් බදු ගෙවමින් පවත්වාගෙන යද්දි යහපාලන සමයේදී, මීට එරෙහිව නඩු පවරනවා බදු ගෙවීම් පැහැර හැරීම් යටතේ. නමුත් එම බදු ගෙවීම් තිබෙන්නේ ජොන්ස්ටන් ප්‍රනාන්දු එම සමාගම ලබා ගැනීමට පෙර කාලයේ නිසා, සමාගම නැවත සක්‍රීය කරපු කාලයේදී නිසි බදු ගෙවීම් සිදු කර ඇති නිසා, උසාවිය එම පෙර බදු මුදල් සහන කාලයකදී ගෙවීමට අවසර ලබා දෙමින් බලපත්‍රය නැවත වයඹ ඩිස්ටිලරීස් වෙත ලබා දෙනවා. නමුත් 2022 මැයි නවය රාත්‍රියේ අ ර ග ල කරුවන් විසින් මෙම වයඹ ඩිස්ටිලරීස් කර්මාන්ත ශාලාව ගි නි තබා මහ පොළවටම සමතලා කර දමනවා. එතැන් පටන් මෙම සමාගම අක්‍රීය සමාගමක් වුවත්, උසාවි නියෝගය පරිදි ජොන්ස්ටන් ප්‍රනාන්දු විසින් එම සියළු බදු ගෙවමින් තිබෙනවා. 

ඊයේ දිනයේදී වත්මන් රජයේ සෞඛ්‍ය සහ ජනමාධ්‍ය අමාත්‍ය නලින්ද ජයතිස්ස විසින් මේ සම්භන්ධව ප්‍රකාශයක් කරනවා. ඔහු කියනවා වයඹ ඩිස්ටිලරීස් සමාගමේ 2004 සහ 2005 වසරවල හිඟ බදු අය කර ගැනීමට නියමිතව තිබෙන බව. නමුත් ඔහුට එහි වැරදුන එක තැනක් තිබෙනවා. පසුගියදා පුවත්පත්වල පල වූ "ජොන්ස්ටන් ප්‍රනාන්දු හිඟ බදු ගෙවයි" යනුවෙන් පළවුනේ, මේ 2004 සහ 2005 වසරවලත් හිඟ බදු ගෙවා අවසන් කිරීම බව ඔහු ඒ වෙනවිට දැනගෙන ඉදලා නැහැ. බංකොලොත් වුන සමාගමක තමන් වගකිවයුතු නැති වසර හතකට අධික බදු ප්‍රමාණයක් ජොන්ස්ටන් ප්‍රනාන්දු ගෙවා අවසන් කලේ ඒ ආකාරයෙන්. කෙසේ වුවත්, ජනතා විමුක්ති පෙරමුණ සහ ජාතික ජන බලවේගය විසින්ම ජොන්ස්ටන් ප්‍රනාන්දුට එල්ල කල ඡෝදනා, ජාතික ජන බලවේග රජයේ අමාත්‍යවරයෙකුම, පාර්ලිමේන්‍තුවට කල ප්‍රකාශයක් හරහා නිවැරදි වීම, මේ වනවිට සිදු වී අවසන්..

පරම්පරාගත සල්ලි කාරයෙකු වූ ජොන්ස්ටන් ප්‍රනාන්දුට දේශපාලනය නිසා මෙවන් ඉරණමක් අත්වීම නිසා ඔහු මෙම ගෙවීම් සිදු කරා. නමුත් සාමාන්‍ය ව්‍යාපාරිකයෙකුට මෙම ඉරණම අත් වූවානම් ඔහුට සමහරවිට ජීවිතයෙන් පවා වන්දි ගෙවීමට සිදුවේවි. 

ජොන්ස්ටන් ප්‍රනාන්දුගේ ව්‍යාපාරවලට, දේශපාලනය නිසා කෙතරම් හානි සිදු වූවත්, ඔහු කවදාවත් දේශපාලනය සිය ව්‍යාපාර වලට ගාවා ගත්තේ නැති බව ඔහුගේ සමීපතමයින් දන්න කාරණයක්. මීට හොඳම උදාහරණයක් කියන්නද? පසුගියදා නිකුත් වූ නව මත්පැන් බලපත්‍ර 361 ඇතුලේ ඔහුටවත්, ඔහුගේ ඥාතියෙකුටවත්, ඔහුගේ සමාගමකටවත් එකදු බලපත්‍රයක් නිකුත් වී තිබුනේ නැහැ. දේශපාලනය භාවිතා කරමින් ඔහුට මෙම බලපත්‍රවලින් සෑහෙන ප්‍රමාණයක් ලබා ගත හැකිව තිබුනාත්, ඔහු එසේ කර තිබුණේ නැති බව, ඔබ දකින්නට ඇති.

කෙසේ වෙතත්, තමන් නියෝජනය කරන දේශපාලන කඳවුර වෙනුවෙන් කොන්ද කෙලින් තබාගෙන සෘජුව පෙනී සිටීමේ වරද වෙනුවෙන් මෙම රජයත් ඉදිරියේදී විවිධ ඡෝදනා එල්ල කරමින් ඔහුව මර්ධනය කරන්නට විවිධ කටයුතු සිදු කරාවි. අතීතයේ සේම අනාගතයේදීත් ඔහු ඇතුගල සේ නොසැලී එම දේශපාලන විරුද්ධකම් වලට මුහුණ දේවි. ජොන්ස්ටන් ප්‍රනාන්දු කියන්නේ එහෙම මිනිහෙක්..

අභීත එදිරිසිංහ

2024 දෙසැම්බර් 07

මලගිය ඥාතීන් සැමරීම, ජාති වාදය, ත්‍රස්තවාදය සහ ත්‍රස්තයන් විරුවන් බවට පත් කිරීමේ ක්‍රියාවලිය.

2009 ට පසු මහවිරු සැමරුම වඩාත් කතා බහට පැමිණියේ මේ වසරේ බව අප පිළිගත යුතුය. ආණ්ඩුව ප්‍රමුඛ යම් යම් පාර්ශ්වයන්ට එය මලගිය ඥාතීන් සැමරීමකි. සමරන පාර්ශ්වයන්ට එය විරුවන් සැමරීමකි. එක් පාර්ලිමේන්‍තු මන්ත්‍රී වරයෙකුට අනුව එය ද්ව්වියන් ඇදහීමක් දක්වා උතුම් කර්තව්‍යයකි. කෙසේ වුවත් රාජ්‍ය ආරක්ෂක ඇමති අද පාර්ලිමේන්තුවේ කී කතාවට අනුව මලගිය ඥාතීන් සිහි කරන අවස්ථා 10ක එල් ටී ටී ඊ සංවිධානය සම්භන්ධ විවිධ සළකුණු ප්‍රදර්ශණය කර ඇත. අප දැක තිබෙන්නේ එම 10 පමණක් බව එයින් හැඟී යාම කණගාටුවට කරුණකි. මන්ද යත් අප දුටු සෑම මලගිය ඥාතීන් සැමරුමකම එල් ටී ටී ඊ සංවිධානයේ නිල වර්ණ වූ කහ සහ රතු කොඩිවැල් දක්නට විය. මල ගිය ඥාතීන් යැයි හැඳින් වූ පුද්ගලයන් බොහොමයකගේ ඡායාරූප තිබුණේ එම සංවිධානයට අයත් නිල ඇදුම් වලිනි. නමුත් ආණ්ඩුව ඔවුන් මල ගිය ඥාතීන් ලෙස සමරා, ඊට අනුබල දෙන්නේ නම්, ඉට්ස් ඕකේ.. නෝ ප්‍රොබ්ලම් කියා නිහඬ වෙනවා විනා, අපට කල හැකි දෙයක් නැත.

මීට කලින් ද එවන්ම ත්‍රස්ත සංවිධාන සැමරීම් මේ භූමියේ තිබී ඇත. නිදහසින් පසු අතීතයේ මතකයට එන පළමු ත්‍රස්ත සැමරුම, වෙනත් කිසිවක් නොව, "සදා සමරමු සොහොයුරෝ" ලෙසින් හැඳින් වූ අප්‍රේල් මාසයට යෙදෙන විරු සැමරුමයි. ශ්‍රී ලංකා රජයකට එරෙහිව පළමුව ආයුධ ගත් ත්‍රස්තවාදී කණ්ඩායම වූයේ ජනතා විමුක්ති පෙරමුණයි. 1971 අප්‍රේල් මස 5 වෙනිදා උදෑසන 5.30 වැල්ලවාය පොලීසියට එල්ල කල ප්‍රහාරයත් සමඟම මෙම ත්‍රස්ත ක්‍රියාවන් ආරම්භ විය. අවසනදී මිය ගිය ත්‍රස්තයන් සැමරීම සඳහා "සදා සමරමු සොහොයුරෝ" වැඩසටහන කල එලි බැස ආ අතර, ඔවුන්ගේ ම්ලේච්ඡ ක්‍රියාවන්ගෙන් මැ රු ම් කෑ උදවිය වෙනුවෙන්, එම නිවෙස්වල අය අදටත් ආගමික වතාවත් පමණක් ඉටු කරමින් සැනසෙති.

ඉන් පසු ත්‍රස්තයින් සැමරීමට කරලියට ආවේ ඉල් මහ විරු සැමරුමයි. ශ්‍රී ලංකා රජයකට එරෙහිව දෙවන වරටත් අවි ආයුධ ගනිමින් රට හෙල්ලෙන භීෂණයන් මාලාවක් සිදු කරන්නට ජනතා විමුක්ති පෙරමුණ කටයුතු කරනු ලැබිණ. ඒ සඳහා සක්‍රීය දායකත්වයන් ලබා දුන් පුද්ගලයන් අද ආණ්ඩුවේ ලොකුම පුටුවල වගකීම් දරමින් සිටී. මෙම ත්‍රස්ත ක්‍රියාදාමයට නායකත්වය ලබා දුන් ජනතා විමුක්ති පෙරමුණේ නායක රෝහණ විජේවීර 1989 නොවැම්බර් මස 13 වෙනිදා ඝා ත ණ ය ට ලක්විණ. අනතුරුව ඉල්මහ විරු සැමරුම ලෙස මෙම දිනය යොදා ගත් අතර, එම ත්‍රස්ත ක්‍රියාවන් වල යෙදී මියගිය ත්‍රස්තයන් සැමරූ දිනය ලෙස සටහන් වන්නේ ඉල් මහ විරු සමරුව නමිනි. එම ත්‍රස්තයන්ගෙන් පීඩා විඳ මිය ගිය ජනතාවගේ පවුල්වල ඥාතීන්, අදටත් සිය නිවෙස්වල ආගමික වතාවත් වල යෙදෙමින් සිය මලගිය ඥාතීන් සිහි කරති. මෙවන් ත්‍රස්තයන් විරුවන් සේ දැක්වීම කෙල පැමිණියේ 2022 මැයි 09 දිනදීය. එදා දවසේ රට පුරා භීෂණවලට නඩු වලට පැටලී ඇති බොහොමයක් දෙනා 2023 පැවැත්වීමට නියමිතව තිබූ, ප්‍රාදේශීය සභා මැතිවරණයට ජාතික ජන බලවේගයෙන් නාම යෝජනා ලබා දී තිබිණි. එදා ප්‍රජාතන්ත්‍රවාදී ආකාරයෙන් වූ බල හුවමාරුවක් නොවී, ඒ වගේ ත්‍රස්ත ක්‍රියා හරහා බල හුවමාරුවක් සිදු වී නම්, අද අපට "මැයි මස විරු සමරුව" ලෙස තවත් ත්‍රස්තයන් පිරිසක් සමරන්නට අවස්තාව ලැබෙන්නට ඉඩ තිබිණ. කෙසේ වෙතත් මෙම සියළු ත්‍රස්ත ක්‍රියාවන්, විප්ලව, අ ර ග ල යන ලස්සන වචන වලින් අයිසින් කිරීමට, මෙම ත්‍රස්ත සංවිධාන නායකයින් සමත් වුන බව නොකියාම බැරිය.

තෙවෙනියාට අපි අපේ ප්‍රධාන මාතෘකාවට යමු. ඒ මහ විරු සැමරුමයි. ආණ්ඩුවට අනුව මල ගිය ඥාතීන් සැමරීමයි. නමුත් ඔබ නොදන්නවා ඇති. මේ මලගිය ඥාතීන් සැමරුම මෙවර පවත්වනු ලැබූයේ 35 වෙනි වතාවටයි. මේ වසර 35පුරාම මෙරටදී හෝ විදෙස් රටකදී ඔවුන් මෙය සමරා තිබේ. පළමු මහ විරු සැමරුම පැවැත් වූ බව සඳහන් වන්නේ 1989 නොවැම්බර් මස 27 වන දින මුලතිව් කැලෑවේ තිත්තකෙයිකුලම ප්‍රදේශයේ බවයි. ඔවුන් සැමරුවේ, ආරක්ෂක හමුදා අතින් 1982 නොවැම්බර් 27 දින මිය ගිය පළමු එල් ටී ටී ඊ නිල සාමාජිකයා ලෙස දැක්වෙන ලුතිනන් ශංකර් නැමැත්තාගේ මිය යෑමයි. ඊට පෙර දිනය දා එනම් නොවැම්බර් 26 දිනය එල් ටී ටී ඊ නායක, වේ ලු පි ල්ලේ පිරබාහරන්ගේ උපන් දිනය යෙදී තිබීමද විශේෂත්වයක්. වසර තිහක යුධ සමයක් තුල 60,000කට ආසන්න ජීවිත ප්‍රමාණයක් විනාශ විය. එම විනාශය කල ත්‍රස්තයන්, අද විරුවන් සේ සමරන අතර, ඔවුන්ගේ ත්‍රස්ත ක්‍රියාවලින් මිය ගිය අහිංසකයින්ගේ ඥාතීන් සිය මලගිය ඥාතීන්ව සැමරීම උදෙසා නිවෙස්වල ආගමික වතාවත් සිදු කරමින් සිටී. එම ත්‍රස්තයන් විරුවන් සේ සැමරීම, වත්මන් රජය, මලගිය ඥාතීන් සැමරීමක් සේ සැලකීම කෙතරම් අගනේදැයි ඔබ තීරණය කරන්න.

ඉහත තුනෙන්ම සමරන්නේ විරුවන් නොවේය. දේශීය හෝ විදේශීය කාගේ හෝ දේශපාලන බලවේගයකට රැවටී, තම තරුණ ජවය සහ හැකියාවන් සිය දේශයේ හානිකරත්වයට උර දුන් අමුම අමු ගොබ්බයන් රැලක් බව අමුතුවෙන් කිව යුතු නොවේ.

සිව්වැන්න, 2019 අප්‍රේල් 21 සිදු වූ පාස්කු ප්‍රහාරයයි. ම රා ගෙ න මැ රෙ න ත්‍රස්ත ප්‍රහාරයන් හමුවේ භීෂණය රජවිය. ත්‍රස්ත ප්‍රහාරයකින් මිය ගිය සැබෑ වින්දිතයන් අප සමරන්නේ අප්‍රේල් 21 දින පමණි. ඉදිරි වසර පහ තුලදී, මලගිය ඥාතීන් සැමරීමක් ලෙස අර්ථකතනය කරමින්, ස හ රා න් ප්‍රමුඛ ත්‍රස්ත කල්ලිය සැමරීමක් සිදුවුවහොත් අප පුදුම විය නැත්තේ, මම ඉහතින් සඳහන් කර ඇති සියළුම කාරණා නිසාය.

ම්ලේච්ඡත්වය විසින් උත්කර්ශයට නඟන්නේ ම්ලේච්ඡත්වයම පමණි. ම්ලේච්ඡත්වය විසින්, රටක අනන්‍යතාවයක්, ජාතිකවාදයක්, සහ මව්බිමක සැබෑ විරුවන් උත්කර්ෂයට නැංවීමක් අපට කිසිදා බලාපොරොත්තු විය නොහැක. බලය රඳා පවත්වා ගැනීමටත්, බලයෙන් විතැන් වීමටත් පමණක් නොව, ජීවත් වීමට පවා අපට රටක් තිබිය යුතුය. අසමත් පාලකයන්ට රට කෑලි කෑලි වලට බෙදා වෙන් කර, පාලනය කිරීම ඉතා පහසු කාරණයක් බව අතීතයේ බොහෝ පාඩම් අපට උගන්වා තිබේ. අපට තිබෙන්නේ බලා සිටීම පමණි.

තමන් ගැසූ කතිරය, ජයග්‍රහණය කල පසු එම ජයග්‍රහණයෙන් උදම් වී සිටින බහුතර සමාජයකට මෙම ලියැවිල්ල හුදෙක්ම විහිළු සහගත වන බව මම දනිමි. නමුත් කිසියම්ම දවසක, සතුරන් විරුවන් වී විරුවන් රටේ පරම හතුරන් බවට පත්වූයේ කෙසේදැයි සොයා බලන්නෙකුගේ අවධානය පිණිස පමණක් මෙම ලිපිය ලියා තබමි.

ප්‍රධාන ශිෂ්‍ය නායක අයියාගේ කතාව අසා සිටි බාලාංශයේ පොඩි මල්ලී.

 

අනුර කියන්නෙ රනිල්ගෙ හෙවනැල්ල කියලා කීවාට ඇහුවේ නෑනේ.. එහෙනම් මෙන්න මේක සම්පූර්ණයෙන්ම කියවන්න.

📍 අනුර දිසානායක ජාත්‍යාන්තරයේ ගැත්තෙක් වුනේ කොහොමද?

📍අනුර දිසානායක රනිල් වික්‍රමසිංහගේ පදයටම නැටවෙන්නේ ඇයි?

📍 අනුරගේ පාලන කාලය තුල ශ්‍රී ලංකාව රටක් වශයෙන් මුහුණ පාන අර්බුධ මොනවාද?

පහත සටහන තුල මේ සියළු ප්‍රශ්ණ වලට පිළිතුරු තිබෙනවා.. සැලකිල්ලෙන් කියවන්න.

මේ රටේ දේශපාලනය බොහෝ දෙනෙකුට කෙටි කාලීනයි. හැබැයි අතීත දේශපාලනය එක්ක වත්මන් සංසිද්ධි ගලපන කෙනෙකුට ඒ සංසිද්ධිවල තියෙන කරුණු සමඟ යම් ‍යම් තීරණ රටට සුබ දායකද, අසුබ දායකද යන්න සිතා ගැනීම අපහසු නොවේ.

තිස් වසරක යුද්ධය අවසන් වී වසර 15ක් ගෙවී ඇතද, එහි පිල්ලි අදටත් හොල්මන් කරන බව අප පිළිගත යුතුය. 2008 අවසන් කාර්තුව යුධ ජයග්‍රහණයේ තීරණාත්මකම මාස තුනයි. ඒ යුධ ජයග්‍රහණයට වඩාත්ම බලපාන කාරණා සංසිද්ධීන් දෙක සිදු වූයේ මෙම කාර්තුව තුල දී වීමයි.

1. යුද්ධය නතර කිරීමට, ප්‍රධානතම ජාත්‍යාන්තර බලවේගය වූයේ ඉන්දියාවයි. 2008 අවසානය වන විට යුද්ධය නවතා දැමීමට හැකි උපරිම බලය යෙදවීමට ඉන්දියාව සූදානම්ව සිටියේය. මේ නතර කිරීමට ඇමෙරිකාව, නෝර්වේ වැනි රටවල් වලින් ජෝන් කෙරී, කමලා හැරිස්, එරික් සෝල්හයිම් වැනි බර ගණනක් මේ ව්‍යාපෘතිය පසු පස සිට ඉන්දියාවට දැවැන්ත සවියක් ලබා දුන්නෝය. නමුත් 2008 නොවැම්බර් 26 දින, ඉන්දියාවේ මුම්බායි නගරයේ තරු පන්තියේ හෝටලයක් වෙත දැවැන්ත ත්‍රස්ත ප්‍රහාරයක් එල්ල වූයේ 188 දෙනෙකුට මරු කැඳවමිනි. ත්‍රස්තවාදයට එරෙහිව ප්‍රකාශ සිදු කිරීමට ඉන්දියාවට සිදුවුනේ මෙම ප්‍රහාරය නිසාය. එම ප්‍රහාරය නිසාම ත්‍රස්තවාදයට එරෙහි ප්‍රහාර නැවැත්වීමට, ලංකාවට බල කරන්නට ඉන්දියාවට නොහැකි විය.

2. 2008 වසරේ අයවැය පරාජය කිරීමට සැලසුම් කිරීම.

මෙහි මහ මොලකරු මංගල සමරවීරයි. ජෝන් කෙරී, කමලා හැරිස් වැන්නන්ගේ පෞද්ගලික මිතුරෙකු මට්ටමට මංගල ඒ වනවිටත් පත් ව සිටියේය. ඒ වගේම 2005 දී මහින්ද රාජපක්ෂ ජයග්‍රහණයේදී සේම, ජවිපේ චන්ද්‍රිකා සමඟ ආණ්ඩුව පිහිටවද්දීද මේ ජනතා විමුක්ති පෙරමුණ සමඟ කපුකම් කලේ මංගල සමරවීරයි. එනිසා මංගලට ජාත්‍යාන්තරය සමඟ මෙන්ම ජනතා විමුක්ති පෙරමුණේ අභ්‍යන්තරය සමඟද හොඳ අවභෝධයක් සහ සහයෝගයක් තිබිණ. මංගල ප්‍රධාන වශයෙන්ම ආණ්ඩුවේ කිහිප දෙනෙක්ගේ සහයෙන් අයවැය පෙරලන්නට මාන බැලූහ. කරු ජයසූරිය ප්‍රමුඛ 17 දෙනාගේ සහාය ගත් මහින්ද රාජපක්ෂ පළමුවර කියවීම ජය ගත්තේය. නමුත් එය දශමෙකින් ගිය ජයකි. දෙවෙනි වර කියවීමේදී මහින්ද, රත්නපුරේ මහින්ද රත්නතිලක බිලී බා ගත්තේය. තෙවන වර කියවීමේදී ජනතා විමුක්ති පෙරමුණේ විමල් වීරවංශ ප්‍රමුඛ 18 දෙනෙක් නිසා, මංගල සමරවීරගේත්, රනිල් වික්‍රමසිංහගේත්, අනුර දිසානායකගේත්, එල්. ටී. ටී. ඊ යේත්,කොටි හිතවාදී ජාත්‍යාන්තරයේත් යුධ ජයග්‍රහණය නවතා දැමීමේ අවසන් ප්‍රභලම උත්සාහය ව්‍යවර්ථ වී ගියේය.

එම සිද්ධියෙන් පසුව අනුර කුමාර දිසානායක ප්‍රමුඛ ජනතා විමුක්ති පෙරමුණ රූකඩයක් සේ නැටවූයේ මංගල සමරවීර විසිනි. යුධ ජයග්‍රහණයෙන් පසුව ආ ප්‍රථම ජනපතිවරණයේදී ජනතා විමුක්ති පෙරමුණ හිට ගත්තේ සරත් ෆොන්සේකා සමඟය. මේ සඳහා ජනතා විමුක්ති පෙරමුණට ලැබුණ අති විශාල ඩොලර් ප්‍රමාණය පිලිබඳව පාර්ලිමේන්තුවේ හැන්සාඩ් ලේඛණ වලද සටහන්ව ඇත. පසුව එසේ මුදල් ලැබුන බව මාධ්‍ය සාකච්ඡාවකදී අනුර කුමාර පිළිගත්තද, ඔහු ප්‍රකාශ කලේ ඒ පක්ෂයට සුබ පතන්නන් විසින් ලබා දුන් මුදල් බවය.

එතැන් පටන් යුද්ධයෙන් කර ගැනීමට නොහැකි වූ ඒකීය ශ්‍රී ලංකාව බෙදීමේ ක්‍රියාවලිය මැතිවරණ හරහා සිදු කිරීමට වෑයම් කරපු ජාත්‍යාන්තර බලවේග සමඟ ජනතා විමුක්ති පෙරමුණ හරි හරියට සිට ගත්තේය. 2015 ජනපතිවරණයට ජනතා විමුක්ති පෙරමුණ ඉදිරිපත් නොවූයේත් මෙහි දිගුවක් ලෙසිනි. තමන්ගේ ලක්ෂ පහක ඡන්ද පදනම, සිරිසේනගේ සාක්කුවට ඔබන්නට කටයුතු කල අතර, මහින්ද රාජපක්ෂ පරාජය වූයේ ඡන්ද ලක්ෂ දෙක හමාරකට අඩු ගණනකිනි. ජනතා විමුක්ති පෙරමුණ ඡන්දයට ඉදිරිපත් වූවා නම්, සිරිසේනට තවත් ඡන්ද ලක්ෂ හතර හමාරක් අඩු වූවත්, මහින්ද රාජපක්ෂ ඡන්ද ලක්ෂ දෙකකින් ජයග්‍රහණය කිරීමට ඉඩ තිබිණ.

යහපාලනය ගෙන ඒමට දැවැන්ත සවියක් ලබාදුන් ඉන්දියාව, 2016 වසර ආරම්භයේදීම ETCA (Economic and Technology Corporation Agreement - ආර්ථික හා තාක්ෂණික සහයෝගිතා ගිවිසුම) අත්සන් කිරීමට සැලසුම් සකස් කලේය. නමුත් 2016 ආරම්භයේ සිටම අපේ රටේ සෑම ක්ශේත්‍රයකම වෘත්තිකයන් මේ ගිවිසුමට ප්‍රබල විරෝධතාවයක් දක්වන ලදී. නමුත් රනිල්ගේ සුවච කීකරු ගෝලයා වූ අනුර දිසානායක ප්‍රමුඛ ජවිපේ මේ විරෝධතාවයට එක් වූයේ නැත. මේ එක් නොවීම ගැන මහ ජනතාවගෙන් ජවිපෙට එල්ල වූ චෝදනා නිසාම ඔවුන්ට මෙම විරෝධයට එක් වීමට නොහැකි විය. 2016 පෙබරවාරි ඇරඹූ එට්කා විරෝධයට, ජනතා විමුක්ති පෙරමුණ එකතු වන්නේ 2016 සැප්තැම්බර් මාසයේදීය. ඒත් එට්කා අත්සන් කිරීම මේ රටේ ජාතිකවාදී ජන එකමුතුව විසින් නොකෙරෙන තැනටම තල්ලුකර තිබිය දී, අවසන් මොහොතේ ලකුණු දමා ගැනීමටය. කෙසේ වෙතත් ජනතාව එට්කා පරාජය කර තිබිණි.

නැවත එට්කා කරලියට පැමිණියේ 2022 අවසානයේය. ජනතා ජයග්‍රහණයක් අභිමුව සිටි ජනතා විමුක්ති පෙරමුණ, කෙලින්ම එට්කා සටන් පාඨයක් කර ගත්තේය.

“ඉන්දියාව කියනවා චීනය එක්ක වෙළෙඳ ගිවිසුමක් ගහනවා නම් ඊට කලින් අපිත් එක්ක එට්කා ගිවිසුමක් ගහන්න කියනවා. දැනට අපේ මාර්කට් එකේ වැඩි පංගුවක් අරන් තියෙන්නෙ ඉන්දියාව. ඉන්දියාවේ එට්කා ගිවිසුමේ තියෙන්නෙ මොකක් ද? එට්කා ගිවිසුමේ තියෙන්නේ භාණ්ඩ වෙළෙඳපොළ විතරක් නෙවෙයි, සේවා වෙළෙඳපොළත් විවෘත කරන්න. ඉන්දියානු දොස්තර කෙනෙකුට ඇවිල්ලා මෙහෙ චැනල් සර්විස් එකක් දාන්න පුළුවන්. දැන් අපි බෙල්ලට ම හිර වෙලා තියෙන්නේ. ණය ගෙවන්නෙ නෑ කියල තීන්දුවක් අරන් තියෙනවා. ණයවලින් ටිකක් අපි කපා ගන්න වෙනවා. කපා ගන්න නම් ඉන්දියාවත් එක්ක මේක අත්සන් කරන්න වෙනවා.” (අනුර කුමාර දිසානායක - 2022 ඔක්: 30 ගාල්ලේදී)

මේ එදා අනුර කුමාර දිසානායක එට්කා ගැන කියූ කතාවයි.

නමුත් මෙවර අතිගරු ජනපතිවරයාගේ ඉන්දීය සංචාරයෙන් පසු, ඔහුව යාබද අසුනේ තබාගෙන, ඉන්දීය අග්‍රාමාත්‍ය නරේන්ද්‍ර සිං මෝදි කෙලින්ම ප්‍රකාශ කලේ, මේ රාජ්‍ය තාන්ත්‍රිකයන් දෙදෙනා කරපු ප්‍රධාන මාතෘකා කිහිපයක් ගැනයි.

ඒ ජාතික ජන බලවේගයේ ප්‍රධානතම විවේචනයන් වලට ලක් වූ

1.එට්කා ගිවිසුම අත්සන් කිරීම,

2. නල මාර්ග හරහා ඉන්ධන සහ විදුලිය හුවමාරු කිරීම

3. දෙරට අතර සෘජු ගමන් මාර්ග ඇරඹීමට කටයුතු කිරීම. (නිව් රාම් සේතු)

4. ජවිපෙම විරුද්ධ වූ සාම්පූර් විදුලි බලාගාරය ඇරඹීම

නමුත් ත්‍රීකුණාමලයේ තෙල් ටැංකි ගැනවත්, ඉන්දියා ශ්‍රී ලංකා ධීවර ගැටළු ගැනවත් සාකච්ඡා කල බවක් කොහෙවත් සඳහන් වුනේ නැහැ. කියන්නම ඕන වුනත් කියවෙන්නෙ නැතිව යන්නත් ඇති සමහර විට.

මේ වත්මන් ජනපතිවරයාගේ පළමු සංචාරයයි. ඉන්දියාව පමණක් නොව, ඔහුගේ මේ පදවියට උදව් පදව් කල තව බොහො දෙනා හමුවීමට සිදුවනු නොඅනුමානයි. ඒ අනුව අනුර කුමාර දිසානායකගේ වසර පහක කාලය තුල ප්‍රධාන අභියෝග කීපයක් සමස්ත ශ්‍රී ලාංකිකයා සතුව තිබේ.

📍 ශ්‍රී ලංකා රාජ්‍යයේ ඒකීයත්වය ආරක්ෂා කිරීම

📍 රටට අහිතකර විදෙස් ගැති ගිවිසුම් අත්සන් කිරීම වළක්වා ගැනීම

📍 ශ්‍රී ලංකාවේ ජාතිකවාදය සුරක්ෂිත කර ගැනීම

කෙසේ වුවත්, ඉන්දියානු ව්‍යාප්තවාදයට එරෙහි කඳවුරක නායකයෙකු, ඉන්දියානු ව්‍යාපෘතියක ඉත්තෙක් බවට පත් වීම දක්වා කරගෙන ආපු ඒ සුවිසල් ව්‍යාපෘතියට අපි ජස්තියක් වශයෙන් ඉන්දියාවට ස්තූති වන්ත විය යුතු නොවේද?