Friday, August 29, 2014

රසික නානායක්කාරගේ (රනාගේ..) මෝඩ චූන් චැලෙන්ජ් එකට....


එක එක කාලවලින් එක එක මෝඩ චූන් චැලෙන්ජ් එනවා.. අළුත්ම එක අයිස් බකට්.. බැරැක් ඔබාමාගේ ඉඳලා අනන්තවත් මිනිස්සු දැන් මේකට අයත් වෙලා.. සමහරු නානවා.. සමහරු නොනා සල්ලි දෙනවා.. සමහරු බාල්දි ඔළුවේ කඩන් වැටිලා මැරිලා වැටෙනවා.. අනිත් උන් බාල්දිය ඔළුවට වැටෙද්දි ඒ පිම්මටම ඇලට වැටිලා ගිලිලා මැරෙනවා.. මේ ඔක්කොම මොකට කරනවද කියලා හිතෙද්දි එක වෙලාවකට මහ පුදුමත් හිතෙනවා...

මූණු පොතේ තිබ්බ එක කණ්ඩායමක් ගියා විල්පත්තු.. රසිකත් ගියා ඒ එක්ක.. ගිහින් නානකොට මොලේ පෙඟිලද කොහෙද ඌටත් ඇවිත් අර අයිස් බකට් වගේ හද්ද පජාත මෝඩම මෝඩ අයිඩියා එකක්.. මේක කියවන සමහරු දන්නවා ඇති.. දැනටමත් පොර, බ්ලොග් ලෝකේ මූණු පොතේ හෙන පොරවල් වෙලා රඟන සෙට් එකක් එකතු කරගෙන මේ අමු මිරිස් අභියෝගේ කියන සංකල්පය ක්‍රියාත්මක කරන්න අඩි තාලම් දාලා... දැන් මොකද්ද මේකේ අරමුණ...?

ලංකාවේ අපි ඕනම විපත්තියකදි එකතු වෙන්න හරිම ආසයි.. සුනාමියේදිවත් ඒ වගේ අනිත් විපත් වලදිවත් අපි අපේ මිනිස්සුන්ව තනි කලේ නෑ.. ඒ හැම වෙලාවෙම අපි ඒ මිනිස්සුත් එක්ක හිටියා.. ඇත්තටම රසික මේ වෙලාවේ එහෙම එක පාර එන විපතක් නොවෙන, ඒත් කාගෙවත් අවධානයක් වැඩිපුර නොදෙන පැත්තක් ගැන හිතලා මේ වැඩේ පටන් අරන් තියෙනවා.. රජරට ඉන්න අහිංසක මිනිස්සු බොහොම පීඩාවට පත් කරන වකුගඩු ගැටළුවට ලක්ශ 30ක් වැනි දැවැන්ත මුදලක් ප්‍රධානය කිරීම තමයි මේ කාර්යයේ අරමුණ...

මෙතන ඉදන් කියවන අය පහල තියෙන ඕන දෙයක් කරන්න...

ඕන අය අමු මිරිස් කන්න...
එපා අය නොකා ඉන්න...
ඕනනම් මේ වැඩේ සමච්චලයට ලක් කරන්න...
තවත් ඕනනම් ඌට ඇති තරම් මඩ ගහන්න...
නැත්නම් මේ කාර්යයට විරුද්ධ වෙලා කකුලෙන් ඇදලා එක දාගන්න...
දාගෙන හෙන පට්ට පොරක් වෙලා වීරයෙකුත් වෙන්න...

ඒත් අවසානයට අර අහිංසක මිනිස්සුන්ට පොඩි හරි උදව්වක් කරන්න හිතේ තියාගන්න...

එහෙනම් ලෑස්ති වෙන්න....

බ්ලොග් කරුවන්ගේ මුහුණු පොත් මිතුරන්ගේ අති විශාලතම සමාජ සේවයට එකවෙමු... ඔන්න පහල තියෙනවා ලින්ක් එක එතනින් ගිහින් දැන ගන්න විස්තර...

වකුගඩු රෝගීන් සඳහාම වූ අමු මිරිස් අභියෝගය හා ඔබත් එක්වෙන්න......

8 comments:

  1. මේ ගැන බස්සිත් හරි අපූරු සටහනක් ලියල තිබ්බා.

    ReplyDelete
  2. මුකුත් නොකර කරන අයට බනින එක අපෙ ජාතික සිරිතක් නොවැ.එක නෙමෙයි මොකද ඔයා ගෙ බිස්නස් එකට කොක්ක දාපු කෙස් එකට වුනේ.

    ReplyDelete
  3. හිතවත් Abeetha,

    #SLAmuMirisChallenge එක ගැන අදහසක් ආවේ ගිය සෙනසුරාදා (23)...
    එදා තමයි මම මේ ගැන කියලා පළවෙනි ෆේස්බුක් ස්ටේටස් එක දැම්මේ...
    ඊට පස්සේ තමයි මේ කන්සෙප්ට් එක වටේ කට්ටිය එකතුවෙන්න පටං ගත්තේ...
    විල්පත්තු ගියේ ගිය ඉරිදා (24)...
    එතනදී ඔය වීඩියෝ එක කරනවා කියන අදහස තිබුණා...
    ඒ බව මම චැලේන්ජ් කරන හැමෝටමත් මම කිව්වා සහ විල්පත්තු ගිය කණ්ඩායමේ නායකයින්ටත් කිව්වා...
    24 ඉරිදා වීඩියෝ එක කළාට ඒක ෆේස්බුක් අප්ලෝඩ් කළේ 26 අඟහරුවාදා...
    මම හිතන්නේ දැං උඹට පැහැදිලි ඇති වැඩේ වෙන විදිය...

    ඒ වගේම වැඩේ හරියට කෙරෙන්නනං හොඳ ටීම් එකක් ඉන්න ඕනේ...
    ඒ ටීම් එක හදාගෙන වැඩේ හරියට ටයිම් ප්ලෑන් එකක් එක්ක පටං ගත්තේ ඊයේ...

    #SLAmuMirisChallenge ගෲප් එකේ,
    පෝස්ට් දෙකතුනක් සැලකිල්ලෙන් කියෙව්වනං,
    මේ වැඩේ පටං ගත්ත විදිය සහ වැඩ සටහන යන විදිය ගැන,
    මෙහෙම ගොං කතා කියන්න වෙන්නෑ නේද...
    කණගාටුයි මිත්‍රයා...
    දැං ඉතිං අභියෝගේ භාරගන ලෑස්තිවෙලා හිටහං...

    අවසාන වශයෙන්,
    ගොංකතා කීමට බලපත්‍ර අවශ්‍ය නොවන මුත් එමඟින් ඔබේ ගොංකමේ දිග පළල වටේ සිටින අන්‍යන්ට ප්‍රදර්ශනය වේ...

    ජයවේවා!!!

    ReplyDelete
  4. ඔව් ඔව් ඔය රණා කියන පඩත්තරයා නැති බංග වෙන්න කියල එකක් නෙමෙයි ගොනියක්ම කාලා පෙන්නමු අපි..

    ReplyDelete
  5. ලොක්කා කවද්ද හිරෙන් නිදහස් වුනෙ ?

    ReplyDelete
  6. මගේ වීඩියෝවට ලයික් පනස් ගනනක් වැටෙද්දී ඇයි මේකට කමෙන්ට් දෙකක් විතරක්?

    ReplyDelete

අවුරුදු 30ක් ජාතියක් වශයෙන් අපි කොච්චර අසරණ වෙලා හිටියාද?

දෙමල ඊලාම් විමුක්ති කොටි සංවිධානය තම ඊලාම් සිහිනය සැබෑ කර ගැනීම සඳහා කරන ලද අපරාධ වල නිමක් නැත. එයින් ප්‍රධාන හා මූලික අපරාධ ගැන සවිස්තරාත්ම...