Meemure Jungle Resort

Saturday, July 24, 2010

ජනකගෙ කෙටි කථා........

ජනකගෙ කතා කීපයක් ලියපු නිසා උගෙ පොඩි කෙටි කතා කීපයක් ලියලා උගේ කතා සීරීස් එක ලියලා ඉවර කරන්න හිතුනා.... තව දෙයක් කියන්න ඕන... ආගිය කතා ලියන හසිත මල්ලිගෙන් අහගෙන අමාරුවෙන් වෙබ් කවුන්ටර් එකක් දා ගත්තනෙ... ඊයෙ තමයි දාගත්තෙ.. එක දවසට 60ක්ම ඇවිත් හිනාවෙලා ගිහින්... ඒ නිසා ලියන එකට ආවනෙ හොද උත්ප්‍රේරකයක්... දැන් ඉතින් ලියනවා හිටු කියලා :) ඔන්න පැන්නනෙ ට්‍රැක් එක.. ඔන්න ආයෙත් කතාව......

මේ කතා හතර එකකට එකක් සම්බන්ධයිද මංදා... හරියට අර අලියා ශීතකරනයට යන සීරීස් එක වගේ.....

අංක 1 කතාව...

ජනාගෙ අප්පච්චි නැති උනේ අපිට වයස 22ක් විතර කාලෙදි.... ඒ කාලෙදි ඉතින් යාලුවෙක්ගෙ තාත්තගෙ මල ගෙදර යන එක කොච්චර ආතල්ද කියලා..... දුක ශෝකය ඇත්තෙම නෑනෙ... ගේ ලං වෙද්දි ශෝක මූඩ් එකක් මවාගන්නවා. එතුලට ගිහින් එද්දි ඉවරයි මූඩ් එක.... ජනාගෙ අප්පච්චිගෙ මල ගෙදරදිත් ඒකෙ වැඩි වෙනසක් උනේ නෑ.. දැන් අපේ කොල්ලො ටික මල ගෙදර ගිහින් එලියට ඇවිත් එහෙනම් මචන් අපි රෑ වෙලා එන්නම් කියලා ජනාටත් කියලා එලියට බැස්සා... ඊට හැතැප්ම දෙකක් විතර තිබ්බ ගෙදරකට ආපු අපි දැන් ඉන්නවා ටිකක් රෑ වෙනකන් මළ ගෙදර ගිහින් අරූට සප් එකක් දෙන්න හිතාගෙන... ඒ අතරෙ පොඩි වීදුරු බෝතල් වගයකුත් හිස් උනා.... එක දෙක වෙල දෙක තුන වෙලා හය හත දක්වා ඉහල යන වැඩි වෙලාවක් ගියෙ නෑ.. ඒ අතරෙ රාජා පටන් ගත්තා ලාවට සින්දුවක්... සින්දුව පටන් ගද්දි ජනකයත් එතනටම පාත් උනා හෙණ ගැහුවා වගේ... ඌ මෙහෙම කිව්වා අපිට...

"මචන්, උබල ෆන් එක ඉවර වෙලා වරෙල්ලා....... පොඩි වැඩ වගයක් කර ගන්නත් තියෙනවා"

එහෙම කියලා ඌ ගියා.... ජනා එහෙමයි.. ඕන දෙයක් හරිම සරලව තමයි ඌ ගන්නෙ... ජයට ගිය සාජ්ජෙ ඉවර උනේ කට්ටිය පියවි සිහියට ඇවිත් ජනකයගෙ අප්පච්චි නැති උනා කියලා ආයෙත් මතක් උනාමයි... කට්ටිය වැඩේ ඉවර කරලා මල ගෙදරටත් සිරා සපෝට් එකක් දීල උදෙම ගෙවල් වලට ගියා.... පළවෙනි කතාව ඉවරයි ඔන්න...

ඔන්න අංක 2 කතාව

ඔයාලා දන්නවනෙ.. අපි සමහර අයට කතා කරද්දි මුලට "ඒ" කියලා දානවා සමහර වෙලාවට.... උදාහරනයක් ගත්තොත් .. ඒ මචන් අහපන්කො වගේ..
දවසක් අපේ එකෙක් ජනාට මෙහෙම කතා කරනවා... ජනාගෙ වාසගම හේරත් නිසා ඌට ගොඩක් දෙනෙක් හේරත් කියලත් කතා කලා..........

යාළුව : ඒ හේරත්... පොඩ්ඩක් වරෙන්කො

ජනාගෙ උත්තරය :

මචන්.. ඒ හේරත් මළා.. දැන් ඉන්නෙ එස්. ජේ. බී. හේරත්.

මොකද දන්නවද සීන් එක.. ජනාගෙ අප්පච්චිගෙ නම අවුසදහාමි හේරත්....

දෙවෙනි කතාවත් ඉවරයි.. දැන් තුන්වෙනි කතාව.. මීට අවුරුදු දෙකකට කලින් රාජාගෙ තාත්තත් නැති උනා.. අපේ සෙට් එක පුරුදු විදිහටම හවස මළ ගෙදරට ගියා.. කාලාන්තරේකට පස්සෙ කට්ටියම සෙට් උන නිසා පුංචි අඩියක් නොගහම බැහැනෙ කට්ටියටම.. ඔන්න කෞරුත් නැති වාසදවනයක් වෙච්ච හර්ශගෙ ගෙදරට ඔක්කොම රින්ග ගත්තා.. එදත් වෙනදා වගේම ඉතින් බෝතල් හතක් අටක් ඉවර උනා.. එදා සින්දුව පටන් ගත්තෙ ජනකයා..... සින්දුව පටන් ගද්දි අපි අතරෙ ඉන්න හිත හොදම කොල්ලෙක් වෙන ඒ.බී. ජනකයගෙන් මෙහෙම ඇහුවා... ඒ මචන්, රාජාගෙ තාත්තා නැතිවුන වෙලේ අපි සිංදු කියන එක හරි නෑ නේද? මේක අහපු ජනකයා මල පැනල මෙහෙම උත්තරයක් දුන්න

මොකද යකෝ හරි නැත්තෙ... අපේ අප්පච්චි නැති වෙච්ච වෙලේ ඕක තමයි ඉස්සෙල්ලම සින්දු කිව්වෙ

කට්ටිය තමන්ගෙ පාඩුවේ කටවල් වහගෙන සාජ්ජෙට සෙට් උනා.....

ඔන්න හතරවෙනි කතාව...

ජනා කලාකාරයා කියලා මම කියලා තියෙනවනේ.. තාත්තගෙ මල ගෙදර වෙලාවෙ රාජා මූට කිව්වා.. මචන් ජනා මට පොඩි තොරනක් ගහලා දියන් "පියාණනි, ඔබට නිවන් සුව" කියලා... ජනත් හා කියලා අපිවත් සෙට් කරගෙන තොරණ ගහන්න පටන් ගත්ත... ඒ වෙද්දිත් කටිය මද පවනෙ තමයි හිටියෙ... මහ රෑ ඉතින් වැඩේ යනවා.... ඔය අතරෙ තමයි අපේ උන්ට ප්‍රශ්ණයක් ආවෙ පියාණනි කියන්න එන්නෙ මොන "න" යන්නද කියලා.. මේ රෑ කගෙන් කියලා අහන්නද? දැන් එක එකා එක එක දේවල් කියනවා... සමහරු දන්න උන්ට කෝල් කරල මහ රෑ හද පද අහගත්තා... ජනකයාට ඒ අතරෙ අවා මරුම අදහසක්.. ලග හිටපු එකෙකුට ජනකයා මෙහෙම කිව්වා..

මචන්, ගිහින් රාජගෙ තාත්තගෙන් අහගෙන් වරෙන් මොන "න" යන්නද එන්නෙ කියලා.. පොරනෙ මැරුනෙ.. අනිවාර්යයෙන්
දන්නව ඇති....

හිටියෙ මළ ගෙදරක කියලා අමතක වෙන්න අපේ උන්ට තත්පරෙන් දශමෙන් පංගුවක්වත් ගියේ නෑ.....

9 comments:

  1. මේ රටක් වටින ජනා කියන යුග පුරුෂයා දැන් මොකද කරන්නේ ?

    ReplyDelete
  2. web counter එක එළකිරි වගේ වැඩ නේද අයියා :)

    ReplyDelete
  3. ජනා දැන් ල සුපතල ෆිනෑන්ස් එකක වැඩ...

    වෙබ් කවුන්ටරේ දුවනව පිස්සු බලා වගේ.... හික්ස්

    ReplyDelete
  4. හප්පුස්සියේ.. හිනා කාල මැරෙනවා

    ReplyDelete
  5. "මොකද යකෝ හරි නැත්තෙ... අපේ අප්පච්චි නැති වෙච්ච වෙලේ ඕක තමයි ඉස්සෙල්ලම සින්දු කිව්වෙ"

    මූ තමයි මිනිහ .. ලොල්

    ReplyDelete
  6. Hasitha counter eka hoda nee kiyalai issara kiwwe... den hodai kiyala hithenawada?...hik hik


    G.W

    ReplyDelete
  7. @ GW තාම Web counter එක හොඳටම හොඳ නැහැ. මගේ web counter එක zero වුණා කියලා මම කිව්වා නේද ?

    ReplyDelete
  8. කෞරුත්.. new word!!

    ReplyDelete