Monday, June 7, 2010

බෝඩිමේ කතා 03 ( අංකල්ගේ සුරුට්ටු සෙල්ලම්)

බෝඩිමේ කතා ටිකක් ජනප්‍රියයි වගේ. සමහරු කෝල් කරලත් කියනවා මේ කතාව දාපන් මචන් කියලා. ඒ නිසා බෝඩිමේ කොල්ලන්ට වෙච්ච කතා පැත්තක දාලා අපේ ලොක්කට කොල්ලො සෙට් කරපු ගේමක් ගැන තමයි කියන්න යන්නෙ.

මිනිහෙක්ගෙ දුම්බීම නවත්තන එක පින් සිද්ද වෙන වැඩක් නිසා අපිටත් මේ වැඩෙන් පිනක් සිද්ද උනා දෙවියනේ කියලා කාලෙකට පස්සෙ... මොකද මේ සිද්දියෙන් පස්සෙ අපේ අංකල් දුම්බීම සම්පූර්ණයෙන්ම නැවැත්තුවා..

රෑ කෑමෙන් පස්සෙ සුරුට්ටුවක් බොන එක අංකල් දෛනිකව පුරුද්දක් විදිහට කරගෙන ගියා.... ඔයගොල්ලො දන්නවනෙ කලු සුරුට්ටුවේ සුවද? ඒක නිකන් වැස්ස දවසක බ්ලූමැන්ඩල් කුනු කන්ද ලගින් යනව වගේ වැඩක්. අංකල් හැමදාම රැට කන්නෙ 9ට විතර නිස 9.30 වෙද්දි ඔන්න සුරුට්ටුව පත්තු වෙනවා.... කොල්ලො මේකට විරුද්දව යුද්දෙ ප්‍රකාශ කලත් ලොක්ක නෙවෙයි වැඩේ නතර කලේ.. හැමදාම 9.30 වෙද්දි අපි ඔක්කොම බෝඩිමට ඇවිත් ඉන්න නිසා මේ කරදරය හැමෝගෙම හිතට දැනුන....

දන් කොල්ලො කට්ටිය ලොක්කට ගේමක් දෙන්න සෙට් උනා.. ඒත් අංකල් සීන් එක ලාවට දැනගෙන සිටි නිසා සුරුට්ටු පෙට්ටිය පොරගෙ කාමරේම තියාගෙන හිටියා... දැන් කොල්ලො ටික බලාගෙන ඉන්නවා දවසක් එනකල්.. ඔන්න දවස උදා උනා... ගමේ තිබ්බ මල ගෙදරකට අංකල් පිටත් උනේ පයින්... ඒකෙන් අදහස් වෙන්නෙ එනකොට රෑ වෙනව කියන එකයි. මොකද රෑ උනහම ඇස් පේන එක දුර්වල නිසා බයිසිකලේ පදින්න අංකල් කොහොමත් බයයි.

එකෙක් පැන්න ලොක්කගෙ කාමරේට.. හොයගත්ත සුරුට්ටු පෙට්ටිය.. කන්න ඕන උනහම ඉබ්බ තුනපහ පිටේ බැදන් එනව වගේ ඒකෙ තිබ්බෙත් එකම එක සුරුට්ටුවයි... තව එකෙක් ගෙනාව ගිනි පෙට්ටියක්...
දැන් මොකද දන්නවද කොල්ලො කරන්නේ... සුරුට්ටුවේ මැද හරියෙ තැනින් තැන ගිනි කූරෙ අගින් හිල් කරනව.. ඊට පස්සෙ ගිනිකූරෙ ඔළුව ගලවල අර හිල ඇතුලට ඔබනවා.. කොහොමහරි කට්ටිය එකතුවෙලා අංකල්ගෙ සුරුට්ටුවේ වෙඩි බෙහෙත් බෝම්බ 6ක් 7ක් විතර සෙට් කලා...

අනේ අසරන ලොක්ක ආවා... වෙනදට රූම්ස් වල පාඩම් කරන උන් අද සාලෙ කුප්පියක් දානව... අංකල් තමන්ගෙ රාත්‍රී ආහාර වේල ගිල දාල ආවා... සරමත් කෙටි කරගෙන සුරුට්ටු පෙට්ටියත් අරගෙන ඇවිත් හරි බරි ගැහිල පිලෙන් වාඩි වුනා.... අපිත් ඉන්නව බබාල වගේ... ගත්ත සුරුට්ටුව.. දා ගත්ත කටේ.. පොඩ්ඩා එක පාරටම අංකල් එක්ක ගේමට සෙට් උනා.. පොඩ්ඩා කියනව අංකල්ට " ඔන්න ඉතින් ලොක්ක අදත් පටන් ගත්ත මගුලක් පත්තු කරගෙන" කියලා.. අංකල් කොහොමත් ඕක බලපොරොත්තුවෙන් ඉන්නෙ.. අංකලුත් සුපුරුදු පිලිතුර දුන්නා.. "අනේ උඹ ඉදපන් පොඩ්ඩො වැඩක් බලාගෙන.. මම දුම් ටික අරින්නෙ එලියටනෙ" කියල.. පොඩ්ඩා මල පැනල වගේ කියනව "ගද එනවනෙ ඇතුලට" කියලා.. එහෙම කියලා ඇහැකුත් ගහලා කට පියාගෙන පොඩ්ඩා නිහඩ උනා.. අපි කවුරුත් වැඩේ සාර්ථක වීම ගැන හිතින් සතුටු උනා..

ඔන්න දැන් තමයි වෙලාව.. අංකල් සුරුට්ටුව පත්තු කලා.. උගුරු දෙක තුනක් ඉරුවා... සද්දයක් නෑ.. අපි හිතුව පොර අලුත් සුරුට්ටු සෙට් එකක් ගෙනත් තමයි කියලා.. දන් අපිට අප්සෙට්. ඔන්න තුන්වෙනි උගුර ඇද්දා විතරයි, ෂ්ෂ්ෂ්ෂ්.......... ගාල එක බෝම්බයක් පත්තු උනා... ලොක්කා බය වෙච්ච පාරට ඉදගෙන හිටපු තැනින් නැගිට්ටුනා.. "මොකක්ද බන් මේ උනේ" කියලා අංකල් දැන් අපෙන් අහනවා... අපි හිනාව තද කරගෙන දැක්කෙ
නෑ වගේ "ඇයි මොකද මොකද?" කියල ඇහුව ලොක්කගෙන්.. අංකල් හිතුව අපි දැකලා නෑ කියලා... "නෑ බන් මේ සුරුට්ටුව" කියලා ආයෙත් ඉද ගත්තා..

ඔන්න ඇද්ද තව උගුරක්.. සද්දයක් නෑ.. පොරටත් සතුටුයි... ඒ ෆිට් එකේම ඇද්ද තව උගුරක්.. ඔන්න අයෙත් ෂ්ෂ්ෂ්ෂ්........ ගාල තව බෝම්බයක් පත්තු උනා... අපෙත් ඉවසීමේ සීමාවක් තියෙනවනේ.. අපි උඩ පැන පැන හිනා වෙන්න පටන් ගත්තා... ලොක්කට තේරුන අපේ සීන් එකකට තමන්ව මාට්ටු උනා තමයි කියලා... අංකල් පටන් ගත්තෙ "තොපේ" කියලා..... අපිට ඒත් හිනා වෙන එක ඇරෙන්න වෙන දෙයක් ඉතුරු වෙලා තිබුනෙ නෑ....

හැබැයි අංකල් පස්සෙ දවසක කිව්ව "මට කාලයක් තිස්සෙ නවත්තන්න බැරි වෙලා තිබ්බ එක උඹල එක රැයින් නැවැත්තුවා කියලා...

ඉතින් තේරෙනවනේ.. අපේ බෝඩිමේ බයිට් වෙන එකට වයස බේදයක්වත් ලොක්කද පොඩ්ඩද කියලා බේදයක්වත් තිබ්බෙ නෑ. තව කතා ඉදිරියට කියන්න තමයි හිතාගෙන ඉන්නෙ. අදට ඇති.

10 comments:

  1. පට්ට කතාව!!! මරු කොල්ලෝ සෙට් එක !!!! :))) හිතාගන්න පුළුවං තිබ්බ ෆන් එක!!!

    ReplyDelete
  2. This comment has been removed by the author.

    ReplyDelete
  3. දුම් බීම පිළිකා ඇතිකරයි වගේ සුරුට්ටු බීමත් පිළිකා ඇතිකරනවාද ?

    ReplyDelete
  4. බෝම්බ සුරුට්ටුවට අංකල් බය උනා එහෙනන්.

    ReplyDelete
  5. maru..kathaawa

    Chejana

    ReplyDelete
  6. මරු මරු...........
    ඔහොම යන්

    ReplyDelete
  7. patta patta waiting for more bodime stories..

    ReplyDelete
  8. හපෝ කලු සුරුට්ටු හික් හික්.... මරු කතාව...

    ReplyDelete
  9. පට්ටම කතාව,ආතල්ම බෝඩිමේ සීන් එක :D

    ReplyDelete

අවුරුදු 30ක් ජාතියක් වශයෙන් අපි කොච්චර අසරණ වෙලා හිටියාද?

දෙමල ඊලාම් විමුක්ති කොටි සංවිධානය තම ඊලාම් සිහිනය සැබෑ කර ගැනීම සඳහා කරන ලද අපරාධ වල නිමක් නැත. එයින් ප්‍රධාන හා මූලික අපරාධ ගැන සවිස්තරාත්ම...